Áhugi á uppsetningu sólarvirkja hefur aukist verulega á undanförnum árum, bæði hér á landi og víðar. Með framförum í tækni er nú raunhæfur möguleiki að nýta sólarorku til raforkuframleiðslu jafnvel á norðlægum slóðum eins og á Íslandi.

Sólarvirki í stuttu máli
Sólarorkukerfi samanstanda af sólarsellum sem umbreyta sólarljósi í rafmagn. Raforkan verður til sem jafnstraumur sem síðan er breytt í riðstraum með svokölluðum áriðli (inverter), þannig að hægt sé að nota hana í hefðbundin raftæki á heimilum.

Nauðsynlegt að fara að settum reglum
Þrátt fyrir að sólarorkukerfi séu ekki enn orðin algeng á Íslandi, hefur uppsetning þeirra aukist gríðarlega í Evrópu. Í kjölfarið hafa komið upp tilvik um bruna og truflanir á rafbúnaði og fjarskiptum. Slík atvik undirstrika mikilvægi þess að velja vandaðan og samhæfan búnað og fá sérhæfða aðila til verksins.

Sérstaklega skiptir máli að:

• Allur búnaður uppfylli gildandi kröfur og staðla.
• Íhlutir séu keyptir frá aðilum með reynslu til að tryggja samhæfni og draga úr áhættu á truflunum.
• Uppsetning og tenging fari fram á ábyrgð löggilts rafverktaka sem tilkynnir verkið til HMS.

Byggingarleyfi og burðarþol
Við uppsetningu á þaki þarf að huga að burðarþoli og vindálagi, auk þess sem uppsetning getur verið byggingarleyfisskyld eða tilkynningarskyld til byggingarfulltrúa sveitarfélags.

HMS gefur út verklýsingar
Húsnæðis- og mannvirkjastofnun (HMS) hefur gefið út verklýsingu VL 3.040 sem fjallar um raflagnir sólarvirkja. Þar er fjallað um reglugerð um raforkuvirki (rur) og viðeigandi staðla, þar á meðal ÍST HD 60364, sem lúta að öruggri og rétt útfærðri uppsetningu rafbúnaðar.

Samantekt
Sólarorka býður upp á spennandi tækifæri fyrir sjálfbæra orkuöflun, en nauðsynlegt er að vanda til verka og fylgja settum reglum og stöðlum. Samtök rafverktaka leggja áherslu á að skapa öruggt og traust rekstrarumhverfi fyrir nýja tækni og hvetja til þess að fyrirtæki sem starfa á þessu sviði tileinki sér faglega vinnubrögð og nýti sér leiðbeiningar opinberra aðila. Þetta tryggir bæði öryggi og framgang grænna orkulausna á Íslandi. 

Áhersla á öryggi raforkukerfa, nýja tækni og löggjafarmál í Evrópu
Framkvæmdastjórar innan Evrópskra samtaka rafverktaka sem aðild eiga að EuropeOn komu saman á fundi í Edinborg dagana 21-23 maí, en gestgjafar fundarins voru skosku rafverktakasamtökin Select, sem í ár fagna 125 ára afmæli sínu. Fundurinn beindi sjónum að stefnumótun og nýjustu þróun í orkumálum, með sérstakri áherslu á viðbrögð við áskorunum sem tengjast innviðum og sjálfbærni raforkukerfa.

Svartur dagur í spænska orkukerfinu
Raúl Rodriguez greindi frá straumleysi sem varð á Spáni þann 28. apríl og rakti það til óhóflegrar innspýtingar endurnýjanlegrar orku inn á ofhlaðið flutningskerfi. Hann lagði áherslu á að koma þyrfti á formlegu samtali milli dreifi- og flutningskerfisaðila til að styrkja seiglu orkukerfa og getu þeirra til að bregðast við sívaxandi orkuþörf og minnkandi fyrirsjáanleika í loftslagsmálum.

Seigla og öryggi rafmagnskerfa
Umræður héldu áfram um mikilvægi þess að efla seiglu í raforku- og fjarskiptakerfum. Esther Dijk, fulltrúi Hollands, lagði áherslu á nauðsyn þess að bregðast við kerfisbilunum með samhæfðum aðgerðum með það að markmiði að tryggja aðgang að rafmagni og vatni. Alexander Neuhäser fulltrúi Þýskalands lagði til að hugtakanotkun um orkuskipti og öryggi yrði einfölduð með því að tala einfaldlega um "seiglu rafmagnsinnviða" og benti á mikilvægi jarðhitalausna í því samhengi.

Þjóðlegar áskoranir og efnahagsleg þróun
Fulltrúar frá meðal annars Sviss og Austurríki sögðu frá breyttum reglum í heimalöndum sínum. Í Sviss var lýst áhyggjum af nýjum reglugerðum, en í Austurríki höfðu skattfríðindi tengd endurnýjanlegum orkugjöfum verið afnumin. Í Frakklandi er starfsemi rafverktaka enn með nokkuð stöðugu móti, þó að erfiðleikar væru í íbúðamarkaði. Fulltrúi Sart greindi frá hraðri fólksfjölgun og örum vexti íslenska hagkerfisins sl. 10 ár, en einnig þeim áskorun sem fylgir háum stýrivöxtum og minnkandi framboði á íbúðarhúsnæði.

Aðgerðaáætlun um rafvæðingu og lagasetning í farvatninu
Kynnt var aðgerðaáætlun EU um rafvæðingu sem miðar að því að lækka orkukostnað og efla græna innkaupastefnu hins opinbera. Þá var rætt um innleiðingu nýrra reglna um orkunýtingu, sem eru nú að færast inn í landslög með stuttan frest til útfærslu.

Mikilvægi samstarfs
Að lokum var fjallað um kosti og galla mögulegrar sameiningar EuropeOn við önnur samtök með svipuð markmið og áhrifin sem slík sameining gæti haft á hagsmunagæslu. Sameiginleg niðurstaða fundarins var að þörf væri á öflugri samvinnu til að ná fram meiri áhrifum í stefnumótun stjórnvalda og tryggja öryggi og sjálfbærni í rafmagnsinnviðum framtíðarinnar.

Pétur Hákon Halldórsson formaður Sart, Alan Wilson framkvæmdastjóri Select og Kristján Daníel Sigurbergsson framkvæmdastjóri Sart.

Samtök rafverktaka (Sart) héldu  fjölmennan félagsfund 15. maí sl. þar sem fjallað var um stöðu og þróun rafmagnsöryggisgáttar HMS og fyrirhugaðar veflausnir dreifiveitna fyrir rafrænar þjónustubeiðnir.

Kynning frá HMS og helstu þátttakendur
Á fundinum fluttu framsögu Valgerður Sigurðardóttir, vörustjóri hjá HMS, og Óskar Frank Guðmundsson, sérfræðingur hjá stofnuninni. Þau kynntu áform um nýja rafmagnsöryggisgátt sem þróuð er í tengslum við Mannvirkjaskrá og önnur kerfi HMS. Fram kom að umfangsmikil þarfagreining hafi farið fram með aðkomu hagaðila. Sérstaklega var nefnd Fagnefnd Sart, skipuð reyndum rafverktökum, sem hefur tekið virkan þátt í þeirri vinnu.
Auk þeirra tóku til máls Brynja Ragnarsdóttir, forstöðukona þjónustu, Rakel Rós Sveinsdóttir, deildarstjóri framkvæmda hjá Þjónustu, Jón Trausti Kárason, forstöðumaður rafveitu, og Helgi Guðjónsson, deildarstjóri reksturs rafveitu.

Nýtt umhverfi fyrir rafrænar þjónustubeiðnir
Fulltrúar Veitna greindu frá vinnu við smíði nýs rafræns kerfis til að taka við þjónustubeiðnum. Viðmót kerfisins verður sérstaklega hannað með þarfir rafverktaka í huga. Þá lýstu fulltrúar Veitna yfir ríkum vilja til áframhaldandi samstarfs við Sart við þróun vefviðmótsins.
Fulltrúar Rarik og HS Veitna voru einnig á fundinum og greindu frá sambærilegri þróunarvinnu innan sinna fyrirtækja. Lýstu þeir miklum áhuga á samræmingu milli veitufyrirtækja þannig að þjónustubeiðnir verði einsleitar, sem einfaldar málsmeðferð og eykur skilvirkni í starfsemi rafverktaka.

Samþætting við rafmagnsöryggisgátt HMS
Á fundinum kom fram að allar þjónustubeiðnir til dreifiveitna muni í framtíðinni fara sjálfkrafa inn í rafmagnsöryggisgátt HMS. Rafverktakar geta þá á einfaldan hátt tengt saman þjónustubeiðnir við lokatilkynningar sem sendar eru til HMS, sem mun auðvelda umsýslu og bæta rekstrarumhverfi fagsins.

Góð þátttaka og öflug umræða
Fundinn sóttu tæplega 70 félagsmenn Sart, auk þess sem um 30 manns fylgdust með í gegnum streymi.
Fundarstjóri var Kristján D. Sigurbergsson, framkvæmdastjóri Sart.

Ályktun
Rafræn samskipti milli rafverktaka og veitufyrirtækja eru í örri þróun. Vinna við samræmingu og samþættingu kerfa skiptir lykilmáli fyrir faglegt, öruggt og hagkvæmt vinnuumhverfi í greininni og Sart mun taka virkan þátt í þeirri vinnu

Fréttir

All15 maíAll15 maí

Fundarmenn

15 maí

Egill Jónasson frá Rarik svaraði fyrirspurnum

15 maí

Fundarmenn

15 maí

Valgerður og Óskar frá HMS

15 maí

Kristján, framkvæmdastjóri Sart

15 maí

Pétur, formaður Sart

15 maí

Brynja, Rakel og Helgi frá Veitum

15 maí

SART stendur fyrir félagsfundi með HMS og Veitum 15. maí kl 12:00 – 13:00
Fundurinn verður haldinn í húsnæði Rafmennt, Stórhöfða 27 (Grafarvogsmeginn).

Fundarefnið er: Væntanlegar breytingar á Rafmagnsöryggisgátt HMS og skil á þjónustubeiðnum á vefsvæðum veitufyrirtækja.
Á fundinum verða fulltrúar HMS og Veitna með framsögu og svara fyrirspurnum fundarmanna.
Fulltrúi Rarik verður einnig á staðnum.

Fundarstjóri: Kristján D. Sigurbergsson

Boðið verður upp á matarmikla súpu fyrir fundarmenn frá kl. 11:30

Félagsmönnum gefst færi á að fylgjast með fundinum í streymi.
Vegna undirbúnings eru allir fundarmenn beðnir um að skrá sig með því að smella á þennan hlekk: SKRÁNINGARHLEKKUR

Aðalfundur Sart var haldinn föstudaginn 7. mars sl.
Á fundinum tók Pétur H. Halldórsson við formennsku Samtaka rafverktaka, Sart af Hjörleifi Stefánssyni sem lokið hafði 8 ára hámarkstíma sem formanni Sart er heimilt að sitja í embætti.
Auk þess gerðu formenn aðildarfélaga grein fyrir starfi félaganna á starfsárinu. Sameiginlegt var með skýrslum aðildarfélaga var að atvinnuástand sé gott, en að erfitt sé að fá menntað rafiðnaðarfólk í vinnu því skólarnir séu ekki að svara kalli atvinnulífsins um að mennta þurfi fleiri rafiðnaðarmenn en nú sé gert.
Kristján Daníel Sigurbergsson framkvæmdastjóri Sart fór yfir niðurstöður mælanlegra markmiða sem samtökin höfðu sett sér í kjölfar stefnumótunar sem fram fór árið 2021. Þá kynnti Arndís Ósk Jónsdóttir ráðgjafi, aðferðarfræðina sem lá að baki stefnumótun Sart og horfði til framtíðar verkefna Sart.
Þór Pálsson framkvæmdastjóri Rafmenntar fór yfir helstu þætti í starfi Rafmenntar og nefndi meðal annars að mjög mikil aðsókn væri í endurmenntunar námskeið Rafmenntar. Þá sagði Þór frá verkefnastýrðu námi sem Rafmennt heldur úti og er ætlað starfsmönnum
Ljóst er að spennandi tímar eru framundan og nýr formaður hefur í mörg horn að líta, og með sér í þeirri vegferð hefur hann sterka félagsmenn með sér í stjórn og framkvæmdastjórn Sart.
Stjórn Sart skipa:
• Pétur H. Halldórsson, formaður Sart
• Hjörleifur Stefánsson, formaður RS og varaformaður Sart
• Aðalsteinn Þór Arnarson, formaður FRN
• Hrafnkell Guðjónsson, formaður FRA
• Magnús Gíslason, formaður FRS
• Magnús Guðjónsson, formaður FRVL
• Sævar Óskarsson, formaður FRVF
• Hjörtur Árnason, formaður FRT
• Jóhann Unnar Sigurðsson, formaður FLR  
• Róbert Einar Jensson, stjórnarmaður FLR
• Arnar Heiðarsson, stjórnarmaður FLR

Pétur Halldórsson þakkaði Hjörleifi Stefánssyni fyrrverandi formanni Sart fyrir vel unnin störf fyrir samtökin.


Árni Sigurjónsson formaður Samtaka iðnaðarins og Jóhanna Klara Stefánsdóttir sviðsstjóri mannvirkjasviðs þökkuði Hjörleifi fyrir samstarfið sl. 8 ár. og óskuðu Pétri til hamingju með nýtt hlutverk innan Sart


Úr stjórn gengu Arnbjörn Óskarsson og Helgi Rafnsson, á stjórnarfundi 6. mars sl. var þeim þökkuð áralöng farsæl störf fyrir samtök rafverktaka.

Fréttir

AllfundurAllfundur

fundur

fundur

fundur

fundur

fundur

fundur

fundur

fundur

fundur

fundur

fundur

fundur

Fundargestir eru beðnir um að skrá sig hér: Skráningarhlekkur