Töluvert er um að félagsmenn hafi haft samband við skrifstofu SART og leitast eftir því að fá aðgang að sniðmáti sem þeir geti svo aðlagað að sýnu gæðakerfi.

Á lokuðu svæði sem er eingöngu fyrir félagsmenn er komið inn undir valmyndinni Eyðublöð og samningar sniðmát fyrir þjónustusamning vegna brunaviðvörunarkerfa. 

Fulltrúar Samtaka rafverktaka, SART, og Staðalráðs Íslands hafa endurnýjað samning um aðgang félagsmanna SART að ÍST 200, 150 og 151 sem eru fagtengdir staðlar fyrir rafiðnaðinn. Umfangið á verkefninu hefur nú verið aukið og staðallinn ÍST30 sem eru almennir útboðs- og samningsskilmálar um verkframkvæmdir er nú hluti af samning SART við Staðlaráð.

Myndin hér fyrir ofan er tekin við undirritun samningsins en á henni eru, talið frá vinstri, Helga Sigrún Harðardóttir, framkvæmdastjóri Staðalráðs Íslands, Hjörleifur Stefánsson, formaður Samtaka rafverktaka, og Kristján Daníel Sigurbergsson, framkvæmdastjóri Samtaka rafverktaka.

Samningurinn felur í sér að allir félagsmenn SART fá gjaldfrjálsan aðgang að öllum ofangreindum stöðlum um raf- og fjarskiptalagnir fyrir byggingar og íbúðarhúsnæði auk ÍST30.

Þá mun Rafmennt strax í janúar á næsta ári standa fyrir námskeiði þar sem ÍST30 verður lykilgagn á námskeiðinu. Hér er hægt að nálgast upplýsingar um námskeiðið.

Þetta er yfirskrift viðtals sem birtist í sérblaði Fréttablaðsins um Vistvæn ökutæki  í dag.

Í viðtalinu er rætt við framkvæmdastjóra SART og komið inn á nokkra punkta sem neytendur þurfa að hafa i huga þegar þeir þurfa að láta setja upp hleðslustöðvar fyrir rafbíla

Hér er hlekkur á viðtalið 

https://www.frettabladid.is/kynningar/heimilisinnstungan-er-ekki-ger-fyrir-rafbilahleslur/

_{Myndir við fréttina eru teknar af Anton Brink- Fréttablaðinu}

Húsnæðis- og mannvirkjastofnun hefur gert þrjú fræðslumyndbönd um helstu atriði sem þarf að hafa í huga tengd rafbílum og hleðslu þeirra í samstarfi við Samtök rafverktaka, SART. Mikil aukning hefur orðið á rafbílum hér á landi og hafa hleðslustöðvar verið að spretta upp um allt land, bæði á heimilum og við vegi. Á vef HMS segir að þessi aukning sé einna jákvæðust fyrir þær sakir að allt rafmagn sem við Íslendingar notum er framleitt innanlands. Á heimilum með rafbíla eru þeir lang orkufrekasta raftækið. Mikilvægt er að kynna sér vel þær reglur sem hafa verið settar fram fyrir öryggi rafbíla, bæði tengt raflögnum og hleðslustöðvum. Það er sífellt að aukast að Íslendingar kaupi sér rafbíla og uppsetning þeirra þarf alltaf að gera ráð fyrir enn meiri fjölgun. Eigendur rafbíla í fjöleignarhúsum þurfa þó að gera allar breytingar í sameign með leyfi annarra íbúa. 

Haustfundur Rafstaðlaráðs RST 4. nóvember 2020

Fjarfundur á Teams kl. 12:00 - 13:00

SKRÁNING >>
DAGSKRÁ

12:00-12:05
Fundur settur
Emil Sigursveinsson, formaður Rafstaðlaráðs

12:05-12:15
Uppbygging innviða  - Aðgerðir til úrbóta
Dóra Hjálmarsdóttir hjá Verkís

12:15-12:25
Virka fjarskipti í óveðri?
Magnús Hauksson hjá Neyðarlínunni

12:25-12:35
Strengvæðing RARIK
Helga Jóhannsdóttir hjá RARIK

12:35-12:45
Hvernig bætum við afhendingargetu?
Gnýr Guðmundsson hjá Landsneti

12:45-13:00
Umræður

13:00 Fundi slitið
Emil Sigursveinsson, formaður Rafstaðlaráðs

SKRÁNING >>