Samtök rafverktaka (Sart) héldu  fjölmennan félagsfund 15. maí sl. þar sem fjallað var um stöðu og þróun rafmagnsöryggisgáttar HMS og fyrirhugaðar veflausnir dreifiveitna fyrir rafrænar þjónustubeiðnir.

Kynning frá HMS og helstu þátttakendur
Á fundinum fluttu framsögu Valgerður Sigurðardóttir, vörustjóri hjá HMS, og Óskar Frank Guðmundsson, sérfræðingur hjá stofnuninni. Þau kynntu áform um nýja rafmagnsöryggisgátt sem þróuð er í tengslum við Mannvirkjaskrá og önnur kerfi HMS. Fram kom að umfangsmikil þarfagreining hafi farið fram með aðkomu hagaðila. Sérstaklega var nefnd Fagnefnd Sart, skipuð reyndum rafverktökum, sem hefur tekið virkan þátt í þeirri vinnu.
Auk þeirra tóku til máls Brynja Ragnarsdóttir, forstöðukona þjónustu, Rakel Rós Sveinsdóttir, deildarstjóri framkvæmda hjá Þjónustu, Jón Trausti Kárason, forstöðumaður rafveitu, og Helgi Guðjónsson, deildarstjóri reksturs rafveitu.

Nýtt umhverfi fyrir rafrænar þjónustubeiðnir
Fulltrúar Veitna greindu frá vinnu við smíði nýs rafræns kerfis til að taka við þjónustubeiðnum. Viðmót kerfisins verður sérstaklega hannað með þarfir rafverktaka í huga. Þá lýstu fulltrúar Veitna yfir ríkum vilja til áframhaldandi samstarfs við Sart við þróun vefviðmótsins.
Fulltrúar Rarik og HS Veitna voru einnig á fundinum og greindu frá sambærilegri þróunarvinnu innan sinna fyrirtækja. Lýstu þeir miklum áhuga á samræmingu milli veitufyrirtækja þannig að þjónustubeiðnir verði einsleitar, sem einfaldar málsmeðferð og eykur skilvirkni í starfsemi rafverktaka.

Samþætting við rafmagnsöryggisgátt HMS
Á fundinum kom fram að allar þjónustubeiðnir til dreifiveitna muni í framtíðinni fara sjálfkrafa inn í rafmagnsöryggisgátt HMS. Rafverktakar geta þá á einfaldan hátt tengt saman þjónustubeiðnir við lokatilkynningar sem sendar eru til HMS, sem mun auðvelda umsýslu og bæta rekstrarumhverfi fagsins.

Góð þátttaka og öflug umræða
Fundinn sóttu tæplega 70 félagsmenn Sart, auk þess sem um 30 manns fylgdust með í gegnum streymi.
Fundarstjóri var Kristján D. Sigurbergsson, framkvæmdastjóri Sart.

Ályktun
Rafræn samskipti milli rafverktaka og veitufyrirtækja eru í örri þróun. Vinna við samræmingu og samþættingu kerfa skiptir lykilmáli fyrir faglegt, öruggt og hagkvæmt vinnuumhverfi í greininni og Sart mun taka virkan þátt í þeirri vinnu

Fréttir

All15 maíAll15 maí

Fundarmenn

15 maí

Egill Jónasson frá Rarik svaraði fyrirspurnum

15 maí

Fundarmenn

15 maí

Valgerður og Óskar frá HMS

15 maí

Kristján, framkvæmdastjóri Sart

15 maí

Pétur, formaður Sart

15 maí

Brynja, Rakel og Helgi frá Veitum

15 maí

SART stendur fyrir félagsfundi með HMS og Veitum 15. maí kl 12:00 – 13:00
Fundurinn verður haldinn í húsnæði Rafmennt, Stórhöfða 27 (Grafarvogsmeginn).

Fundarefnið er: Væntanlegar breytingar á Rafmagnsöryggisgátt HMS og skil á þjónustubeiðnum á vefsvæðum veitufyrirtækja.
Á fundinum verða fulltrúar HMS og Veitna með framsögu og svara fyrirspurnum fundarmanna.
Fulltrúi Rarik verður einnig á staðnum.

Fundarstjóri: Kristján D. Sigurbergsson

Boðið verður upp á matarmikla súpu fyrir fundarmenn frá kl. 11:30

Félagsmönnum gefst færi á að fylgjast með fundinum í streymi.
Vegna undirbúnings eru allir fundarmenn beðnir um að skrá sig með því að smella á þennan hlekk: SKRÁNINGARHLEKKUR

Aðalfundur Sart var haldinn föstudaginn 7. mars sl.
Á fundinum tók Pétur H. Halldórsson við formennsku Samtaka rafverktaka, Sart af Hjörleifi Stefánssyni sem lokið hafði 8 ára hámarkstíma sem formanni Sart er heimilt að sitja í embætti.
Auk þess gerðu formenn aðildarfélaga grein fyrir starfi félaganna á starfsárinu. Sameiginlegt var með skýrslum aðildarfélaga var að atvinnuástand sé gott, en að erfitt sé að fá menntað rafiðnaðarfólk í vinnu því skólarnir séu ekki að svara kalli atvinnulífsins um að mennta þurfi fleiri rafiðnaðarmenn en nú sé gert.
Kristján Daníel Sigurbergsson framkvæmdastjóri Sart fór yfir niðurstöður mælanlegra markmiða sem samtökin höfðu sett sér í kjölfar stefnumótunar sem fram fór árið 2021. Þá kynnti Arndís Ósk Jónsdóttir ráðgjafi, aðferðarfræðina sem lá að baki stefnumótun Sart og horfði til framtíðar verkefna Sart.
Þór Pálsson framkvæmdastjóri Rafmenntar fór yfir helstu þætti í starfi Rafmenntar og nefndi meðal annars að mjög mikil aðsókn væri í endurmenntunar námskeið Rafmenntar. Þá sagði Þór frá verkefnastýrðu námi sem Rafmennt heldur úti og er ætlað starfsmönnum
Ljóst er að spennandi tímar eru framundan og nýr formaður hefur í mörg horn að líta, og með sér í þeirri vegferð hefur hann sterka félagsmenn með sér í stjórn og framkvæmdastjórn Sart.
Stjórn Sart skipa:
• Pétur H. Halldórsson, formaður Sart
• Hjörleifur Stefánsson, formaður RS og varaformaður Sart
• Aðalsteinn Þór Arnarson, formaður FRN
• Hrafnkell Guðjónsson, formaður FRA
• Magnús Gíslason, formaður FRS
• Magnús Guðjónsson, formaður FRVL
• Sævar Óskarsson, formaður FRVF
• Hjörtur Árnason, formaður FRT
• Jóhann Unnar Sigurðsson, formaður FLR  
• Róbert Einar Jensson, stjórnarmaður FLR
• Arnar Heiðarsson, stjórnarmaður FLR

Pétur Halldórsson þakkaði Hjörleifi Stefánssyni fyrrverandi formanni Sart fyrir vel unnin störf fyrir samtökin.


Árni Sigurjónsson formaður Samtaka iðnaðarins og Jóhanna Klara Stefánsdóttir sviðsstjóri mannvirkjasviðs þökkuði Hjörleifi fyrir samstarfið sl. 8 ár. og óskuðu Pétri til hamingju með nýtt hlutverk innan Sart


Úr stjórn gengu Arnbjörn Óskarsson og Helgi Rafnsson, á stjórnarfundi 6. mars sl. var þeim þökkuð áralöng farsæl störf fyrir samtök rafverktaka.

Fréttir

AllfundurAllfundur

fundur

fundur

fundur

fundur

fundur

fundur

fundur

fundur

fundur

fundur

fundur

fundur

Fundargestir eru beðnir um að skrá sig hér: Skráningarhlekkur

Hjónin Hjörtur Árnason og Elín Guðmundsdóttir hjá H. Árnason ehf. hafa gefið Rafmennt, fræðslusetri rafiðnaðarins, öflugan NGFW CheckPoint eldvegg til kennslu í netöryggismálum.

Mikilvægt framlag til netöryggiskennslu
Netöryggi verður sífellt mikilvægara í nútímasamfélagi, og með þessari gjöf fær Rafmennt aðgang að háþróuðum búnaði sem mun nýtast vel í verkefnatengdu námi. Með eldveggnum fylgir einnig sérsniðið kennsluefni, sem Hjörtur Árnason hefur samið, en hann hefur áratuga reynslu af þjónustu og ráðgjöf í upplýsingatækni.

Sterk tenging við rafiðnaðinn
Hjörtur Árnason er formaður Félags rafeindatæknifyrirtækja (FRT), sem er aðildarfélag innan SART. Gjöfin endurspeglar mikilvægt samstarf innan rafiðnaðarins og áherslu á að efla fræðslu og þekkingu í greininni.

Með þessari veglegu gjöf er Rafmennt betur í stakk búið til að veita nemendum og fagfólki í rafiðnaði nauðsynlega þjálfun í netöryggi, sem er lykilatriði í ört vaxandi tækniumhverfi.
Á myndinni hér að ofan er Hjörtur Árnason að afhenda gjöfina Rúnari Sigurði Sigurjónssyni, verkefnastjóri veikstraumssviðs hjá Rafmennt, sem tók við gjöfinni fyrir hönd Rafmenntar fræðsluseturs rafiðnaðarins.

Samtök rafverktaka (SART) vekja athygli löggiltra rafverktaka á vaxandi vandamáli tengdu háu hitastigi í rafmagnstöflum. Húsnæðis- og mannvirkjastofnun (HMS) hefur á undanförnum misserum fengið ábendingar um illa farnar og jafnvel brunnar taugar í rafmagnstöflum, oft tengdar auknu og stöðugu álagi. Þetta álag getur valdið hækkandi hitastigi í töflum og haft alvarlegar afleiðingar.