Verkmenntaskólinn á Akrueyri, VMA útskrifaði 27 sveina í rafiðngreinum við hátíðlega athöfn í Hofi  föstudaginn 20. september sl.
Að þessu sinni útskrifuðust 23 rafvirkjar og 3 rafveituvirkjar.

Við athöfnina óskaði Aðalsteinn Þór Arnarson, formaður Félags löggiltra rafverktaka á Norðurlandi, FRN og stjórnarmaður í Samtökum rafverktaka, SART, nýsveinum til hamingju með áfangann og rifjaði upp þegar hann stóð í sömu sporum og þau gera nú. Þá afhenti Aðalsteinn,  Bergi Líndal Guðmundssyni viðurkenningu fyrir besta samanlagðan árangur í bóklegu og verklegu sveinsprófi.
Að útskriftinni lokinni steig Aðalsteinn aftur á stokk og kom í máli sínu inn á það að í ár eru Samtök rafverktaka 75 ára og VMA 40 ára. Í því tilefni afhenti Aðalsteinn skólanum gjöf frá SART og FRN. Um er að ræða 10. vandaða mæla af gerðinni Fluke 177 sem koma til með að vera notaðir við kennslu í rafiðngreinum gjöf.  Björn Hreinsson kennari við VMA tók við gjöfinni fyrir hönd VMA.

Aðalsteinn Þór Arnarson formaður FRN afhenti Bergi Líndal Guðmundssyni viðurkenningu fyrir besta samanlagðan árangur á bóklegu- og verklegu sveinsprófi.

Norræn samtök rafverktaka NEPU, funduðu í Færeyjum í liðinni viku.
Fulltrúar Íslands frá Samtökum rafverktaka, Sart, voru Hjörleifur Stefánsson formaður Sart og Kristján Daníel Sigurbergsson framkæmdastjóri Sart. Gestur fundarins var Julie Beaufils aðalritari EuropeOn sem eru evrópsk samtök rafverktaka
Undir yfirskriftinni “Hvernig á að færa norðrið nær Brussel ” var fjallað um það hvernig hægt sé að efla samstarf þvert á stofnanir norrænu samtakanna og þar með auka áhrif rafiðnaðarins innan ESB sem og standa betur vörð um starfsumhverfi og hagsmuni rafverktaka.
Einnig var fjallað um notkun á gervigreind í störfum rafverktaka fyrirtækja og kynnt dæmi um notkunarmöguleika gervigreindar. á fundinum kom fram að með markvissri innleiðingu gervigreindar í rekstrarumhverfi rafverktaka væru mikil tækifæri til að draga úr yfirbyggingu og þannig lækka rekstrarkostnað.

Þá fengu fundarmenn tækifæri til að heimsækja vindorkuver sem rekið er af Færeyska orkufyrirtækinu SEV. Í heimsókninni fengu gestirnir greinargóða kynningu á starfsemi og framtíðaráformum fyrirtækisins.

Troels Blicher Danielsen framkvæmdastjóri Tekniq vakti athygli fundarmann á því að gert sé ráð fyrir því að árið 2030 muni vanta 6700 rafvirkja til starfa í Danmörku 

Terji Nielssen forstöðumaður rannsókna og þróunar kynnti vindorkuver SEV

Vindmillugarður ofan við Þórshöfn

Vindmillugarður ofan við Þórshöfn

Vaxandi áhugi er hér á landi á uppsetningu á sólarorkuvera við heimili og fyrirtæki.
í því samhengi er gaman að segja frá því að Orkusetur Orkustofnunar hefur nú opnað fyrir umsóknir á styrkjum vegna raforkuframleiðslu með sólarsellum.
Að mörgu er að hyggja þegar kemur að uppsetningu og tengingu sólarorkukerfa og rétt er að vekja athygli á því að öll raflagnavinna, þ.m.t. uppsetning og tenging sólarorkukerfa, skal unnin á ábyrgð löggilts rafverktaka sem tilkynnir verk sín til HMS að þeim loknum.
Töluverð reynsla er komin á uppsetningu sólarorkuvera í Evrópu  þar með talið á Norðurlöndunum. Hjá vef sænska rafmagnseftirlitsins má finna áhugaverðar greinar sem tengjast uppsetningu sólarorkuvera og má til dæmis benda á áhugaverða grein sem ber nafnið Varför stör solceller andra elprodukter och elanläggningar?  Og fjallar greinin um truflanir sem sólarorkuver geta valdi á rafkerfum í nálægð við orkuverin. Einnig má benda á frétt á vef HMS sem fjallar um atriði sem vert er að hafa í huga þegar kemur að uppsetningu sólarorkuvera. Auk þess er mikið efni um sólarorku aðgengilegt á vef NHO Elektro norsku systursamtökum Sart. 

Sart hvetur félagsmenn til að gefa tækninni á bak við sólarorkuverin gaum þar sem vænta má aukinnar eftirspurnar á uppsetningu þessara orkukerfa.

9. júní sl.  afhentu fulltrúar eigenda rafverktakafyrirtækisins Rafmenn ehf. Verkmenntaskólanum á Akureyri gjafabréf að verðmæti 500 þús. hjá Fagkaupum. Tilefnið er 40 ára afmæli VMA.
Í tilefni dagsins sagði Eva Dögg Björgvinsdóttir, einn eiganda fyrirtækisins, að með gjöfinni vilji Rafmenn ehf. styrkja og styðja við rafiðnaðardeild skólans og þannig hvetja nemendur til dáða. Við höfum fengið marga efnilega og frábæra rafvirkja frá skólanum og viljum endurgjalda það á einhvern hátt og kunnum við að þakka skólanum fyrir það. Það er mikilvægt að hafa þetta nám hér á Akureyri og viljum leggja okkar að mörkum um að halda í og efla tengslin við skólann enn frekar.

Rafmenn ehf. var stofnað árið 1997 og  í dag starfa 38 starfsmenn hjá fyrirtækinu þar af 6 nemar. Fyrirtækið býður upp á alhliða þjónustu í heimilis- og fyrirtækjalögnum, öryggis-, síma og tölvulögnum. Þá sinnir þjónustudeild fyrirtækisins bilanagreiningu og viðgerðum á hinum ýmsu tækjum og tólum fyrir fjöldan allan af fyrirtækjum og stofnunum ásamt uppsetningu á nýjum rafbúnaði. Einnig býður fyrirtækið upp á þjónustu við ársúttektir á brunakerfum og neyðarlýsingu.

Á myndinni hér að neðan eru frá vinstri: Eva Dögg Björgvinsdóttir - skrifstofustjóri Rafmanna, Sigríður Huld Jónsdóttir – skólameistari Verkmenntaskólans á Akureyri, Jóhann Kristján Einarsson – framkvæmdastjóri Rafmanna, Guðmundur Geirsson – kennari rafiðngreina, Haukur Eiríksson brautarstjóri og kennari rafiðngreina og Óskar Ingi Sigurðsson – kennari í rafiðngreina 

Útskrift meistaranema í rafvirkjun, kvikmyndatæknifræðinga og afhending sveinsbréfa í raf- og rafeindavirkjun fór fram við hátíðlega athöfn á Hilton Reykjavík Nordica þann 25. maí sl.
Að þessu sinni voru útskrifaðir 29 rafvirkjameistarar og 10 Kvikmyndatæknifræðingar. Þar að auki höðu 101 rafvirki og 3 rafeindavirkjar staðist sveinspróf og fengu sveinsbréf sín afhent.
Dagskráin var glæsileg að vanda með ræðuhöldum og afhendingu viðurkenninga fyrir góðan árangur.

10 Nemendur úr Kvikmyndatækni voru útskrifaðir.

Fannar Freyr Jónsson fékk verðlaun frá Félagi íslenskra rafvirkja (FÍR) fyrir skriflegan árangur í rafvirkjun og Guðmundi Gunnarssyni var veitt verðlaun fyrir verklegan árangur í rafvirkjun. Gunnar Guðmundsson fékk einnig verðlaun frá Samtökum rafverktaka (SART) fyrir heildarárangur í rafvirkjun. Halldór Stefán Laxdal Báruson fékk afhend verðlaun frá Félagi rafeindavirkja fyrir skriflegan árangur.

Hjörleifur Stefánsson formaður SART afhenti Gunnari Guðmundssyni viðurkenningu frá SART fyrir heildarárangur í rafvirkjun

Það er skemmtilegt að segja frá því að bræðurnir Halldór Ingi og Jón Ágúst Péturssynir útskrifuðust báðir úr meistaranáminu en þeir eru synir Péturs H. Halldórssonar formann Félags löggiltra rafverktaka.

Sveinsbréfa í rafiðngreinum voru afhent í Hofi á Akureyri föstudaginn 17. maí.
Að þessu sinni voru það 10 rafvirkjar og 3 rafeindavirkjar sem útskrifuðust.
Aðalsteinn Þór Arnarsson, formaður Félags rafverktaka á Norðurlandi afhenti Einari Erni Ásgeirssyni viðurkenningu frá Sart fyrir heildarárangur á sveinsprófi en Einar hlaut einnig viðurkenningu frá RSÍ fyrir verklegan árangur í sveinsprófi.