Opnað verður fyrir móttöku umsókna um sveinspróf í raf- og rafveituvirkjun mánudaginn 1. apríl nk. Umsóknartímabilið stendur yfir 1.-30. apríl vegna sveinsprófa sem haldin verða í byrjun júní 2019.

Föstudaginn 8. mars sl. var haldinn aðalfundur SART á Grand Hótel Reykjavík.Fjölmennt var á aðalfundinum og fengu fundarmenn afhent silfurmerki SART í tilefni 70 ára afmælis samtakanna. Hjörleifur Stefánsson var endurkjörinn formaður til næstu tveggja ára. Fundargerð aðalfundarins ásamt ársreikningum verður gerð aðgengileg á innri vefnum innan nokkurra daga.

Í tengslum við afmælishátíð SART sem haldinn var 8 mars sl. var gefið út afmælisrit. 

Mannvirkjastofnun vekur athygli á að 7. breyting á reglugerð um raforkuvirki nr. 678/2009 tók gildi þann 21. desember 2018, með birtingu reglugerðar nr. 1226/2018 á vef Stjórnartíðinda.

Samtök rafverktaka, Samtök iðnaðarins, Rafiðnaðarsamband Íslands og Mannvirkjastofnun hafa tekið höndum saman og afhent hátt í 1500 öryggislása til að draga úr hættu á slysum og óhöppum af völdum óæskilegrar eða óvæntrar spennusetningar rafbúnaðar.

Rafmagnssvið Veitna hefur ákveðið nýjar viðmiðunarreglur um heimtaugastærðir íbúðarhúsa og verða þær grunnur að hönnunarforsendum í rafdreifikerfi Veitna. Endurskoðunin byggir á raunmælingum á samtímaálagi í rafdreifikerfinu og tekur tillit til þeirra breytinga sem nú eru fyrirsjáanlegar vegna orkuskipta í samgöngum.  Hafa þarf í huga að eitthvað er um strengi m.v. eldri viðmið sem búið er að leggja í jörðu. Hönnuðir og rafverktakar þurfa nú að aðlaga töflur og aðalvarrofa til tengingar álstrengja, minnsti strengur 4x25Al. Taflan með stærðum heimtauganna er aðgengileg undir heitinu stærð heimtauga á innraneti félagsmanna:  http://sart.is/innranet-felagsmanna/faglegar-leidbeiningar/