Beint į leišarkerfi vefsins
Sart.is

Fréttir

10.9.2013

Raki og mygla ķ byggingum - mįlžing um heilsu, hollustu og ašgeršir

Málþing um raka og myglu í byggingum verður haldið á Grand Hótel í Reykjavík föstudaginn 13. september næstkomandi. Auk fjölda innlendra sérfræðinga flytur doktor Anne Hyvarinen erindi á málþinginu, en hún er einn helsti sérfræðingur Finna um rakaskemmt húsnæði og viðbrögð við vandanum.

Raki og mygla og áhrif þess á heilsufar hefur verið mikið til umræðu að undanförnu. Faglegar upplýsingar og almenn þekking um þessi mál hefur hingað til verið afar takmörkuð hérlendis. Þó hefur Alþjóðaheilbrigðisstofnunin, WHO, sýnt fram á að raki og mygla eru áhættuþáttur fyrir heilsu þeirra sem dvelja í rakaskemmdu húsnæði. 

Tilgangur málþingsins á föstudaginn er að efla vitund um málefnið, styrkja samvinnu fagaðila og hefja aðgerðir til þess að sporna við þessu vandamáli. Málið er brýnt hvort sem litið er til lýðheilsu eða verðgildis fasteigna. Því er mikilvægt að auka upplýsingaflæði um niðurstöður rannsókna um þessi málefni og efla forvarnir í hönnun og uppbyggingu mannvirkja.

Dr. Anne Hyvarinen mun flytja fyrirlestur um hvernig skoða eigi rakaskemmt húsnæði og uppræta vandamálið og greinir frá því hvernig stofnanir og samtök í Finnlandi hafa brugðist við. Finnar eru einna fremstir í rannsóknum á þessum sviði í heiminum. Fjöldi innlendra sérfræðinga mun einnig flytja erindi á ráðstefnunni. Fundarstjórar verða Michael C. Clausen, sérfræðingur í ofnæmislækningum barna, og Jóhannes Þórðarson, arkitekt og fyrrverandi deildarforseti hönnunar- og arkitektúrdeildar LHÍ.

Mannvirkjastofnun, Umhverfisstofnun, Samtök iðnaðarins, IceIAQ og fagfélög innan byggingargeirans standa að málþinginu. Það er ætlað almenningi, húseigendum, fagaðilum innan byggingargeirans og heilbrigðisstéttum. Aðgangseyrir er 5.000 kr. en 2.500 kr. fyrir nema og ellilífeyrisþega. Innifalið er kaffi og hádegismatur. Málþingið hefst kl. 08.00 og stendur til kl. 15.30. Skráning fer fram á vef Endurmenntunar Háskóla Íslands, ehi.is.

Sjá nánari dagskrá !


Samstarfsašilar

Smelltu į mynd til aš fara į vef

Sa til hægri
mannvirkjastofnun
Mannvirkjastofnun
Rafiðnaðarskólinn
Fræðsluskrifstofa
Rafiðnarasambandið
Rafbók
Įkvæðisvinnustofa 
Stafir til hægri

Öryggi fagmennska

Slóšin žķn:

Fréttir

Toppmynd


Stjórnborš

Minna letur Stęrra letur Veftré