Fréttir

Ríkiskaup fyrir hönd áskrifenda að rammasamningakerfi Ríkiskaupa á hverjum tíma standa fyrir útboði vegna þjónustu verktaka í viðhaldsþjónustu endurnýjun og viðbótum á höfuð-borgarsvæðinu. Heimilt er að bjóða í einstaka hluta viðkomandi iðngreinar í útboðinu. Um er að ræða verktaka í eftirtöldum iðngreinum: Blikksmiði, málara, málmiðnaðarmenn (aðra en blikksmiði), múrara, pípulagningamenn, rafiðnaðarmenn og trésmiði sem uppfylla allar lögboðnar kröfur til að starfa við iðn sína.

Verktökum er ætlað að þjónusta viðhaldsverk, endurnýjun og viðbætur allt að 200 klst. Ekki er ljóst hvaða magn verður keypt á grundvelli útboðs þessa, þar sem rammasamningar eru gerðir um tiltekna vöru- eða þjónustuflokka í tiltekinn tíma, án þess að magntölur séu þekktar. Kaupin fara eftir því hvernig kaupendahópurinn er samsettur á hverjum tíma. Ástæða útboðs þessar er nauðsyn þess að gefa iðnmeisturum jafnan rétt og jöfn tækifæri til keppa um þau verkefni sem bjóðast hjá ríkinu og að auka gagnsæi í þjónustukaupum ríkisins. Nánari skýringar á umfangi útboðsins má finna í rafrænum gögnum á vef Ríkiskaupa     www.rikiskaup.is