Fréttir

Á aðalfundi SART sem haldinn var á Grand Hótel Reykjavík, föstudaginn 5. mars sl. var samþykkt að breyta nafni samtakanna í "Samtök rafverktaka".

Eftirfarandi tillaga að breyttu nafni samtakanna var borin upp og samþykkt samhljóða á fundinum:
Aðalfundur Samtaka atvinnurekenda í raf- og tölvuiðnaði, SART haldinn á Grand Hótel Reykjavík, föstudaginn  5. mars 2010 samþykkir að breyta nafni samtakanna í "Samtök rafverktaka".

Jafnframt samþykkir fundurinn að merki- og skammstöfun samtakanna verði óbreytt.  Þá samþykkir fundurinn að þegar skammstöfunin og nafnið eru notuð saman þá komi skammstöfunin SART á undan nafninu og skrifist þannig: SART - Samtök rafverktaka.