Fréttir

Öll rafföng sem markaðssett eru á Íslandi skulu uppfylla ákvæði um öryggi sem fram koma í reglugerð um raforkuvirki nr. 264/1971 (kafli 1.7) og einnig ákvæði um rafsegulssviðssamhæfi sem sett eru fram í reglugerð um sama efni nr. 146/1994. Framleiðendur og/eða inn-flytjendur bera ábyrgð á að ákvæðum ofangreindra reglugerða sé fylgt. 

Ofangreindar reglugerðir eru annars vegar byggðar á lágspennu-tilskipun Evrópusambandsins og hins vegar tilskipun Evrópu-sambandsins um rafsegulssviðssamhæfi. Sömu reglur gilda því að mestu á Evrópska efnahagssvæðinu (EES) sem samanstendur af Evrópusambandinu (ESB), Íslandi, Liechtenstein og Noregi, um þau rafföng sem falla undir tilskipanir ESB og staðfestar hafa verið af sameiginlegu EES nefndinni.  

CE samræmismerkið er yfirlýsing ábyrgðaraðila um að varan uppfylli kröfur tilskipana sem um hana gilda á Evrópska efnahagssvæðinu og að við mat á samræmi hafi verið beitt þeim aðferðum sem tilteknar eru í viðkomandi tilskipunum.

Sjá upplýsingar á vef Neytendastofu