Fréttir

Upplýsinga- og hátæknifyrirtækið ReMake Electric hefur undanfarið verið í samstarfi við franskan stórframleiðanda raföryggisvara við að fullþróa vörur sínar fyrir raforkumælingar. Er nú ReMake á lokastigum þess að ganga frá nýjum samningi við franska framleiðandann eftir árangursríkt samstarf. Samningurinn er hugsaður til þess að koma vörum ReMake Electric í sölu á alþjóðlegum markaði að því er kemur fram í samtali við Hilmi Inga Jónsson, framkvæmdastjóra félagsins. Vörurnar verða kynntar undir merkjum franska framleiðandans en með samningnum ættu vörur ReMake að geta orðið leiðandi á heimsmarkaði fyrir heimili og fyrirtæki að mati Hilmis Inga.

Eins og kunnugt er gengu Samtök rafverktaka til liðs við Samtök iðnaðarins um síðustu áramót. Af því tilefni blása SART og SI til fundasyrpu í júní þar sem kynnt verður fyrir rafverktökum hvað þeim stendur til boða í nýju umhverfi. Haldnir verða fundir í öllum aðildarfélögum SART og eru allir rafverktakar velkomnir,  jafnt félagsmenn sem utan félags.

SART stóð fyrir hópferð á "Light and building" sýninguna í Frankfurt þann 16.-19. apríl sl. Ferðin var vel undirbúin í góðu samráði við byrgja hér heima og þótti takast mjög vel. Ekki skemmdi fyrir að hótelið sem rafverktakarnir gistu á var nánast inn á sýningarsvæðinu sem sparaði bæði tíma og ferðalög. Á myndinni eru rafverktakar í góðum félagsskap annara íslendinga á leið í óvissuferð.

Námskeiðið snýst um grundvallaratriði er varða rekstur fyrirtækis. M.a. er fjallað um sölu- og markaðsmál, rekstrar- og fjárhagsáætlanir ásamt skattamálum. Horft er til viðskiptaáætlana og/eða viðskiptahugmynda (módela). Námskeiðið verður haldið 23-24 apríl og seinni hluti 7-8 maí  kl. 13:00 til 17:00  ef næg þátttaka fæst.

Aðalfundur SART- Samtaka rafverktaka verður haldinn á Grand Hótel Reykjavík, föstudaginn 16. mars nk.
Fundurinn hefst kl. 09:00 árdegis með aðalfundarstörfum. Að venju verður hádegisverður í boði Reykjafells, Rönning og Smith & Norland í Setrinu. 

Íslandsmót iðn- og verkgreina verður haldið í Háskólanum í Reykjavík 9. – 10. mars. Mótið hefst kl. 9.30 föstudaginn 9. mars og lýkur kl. 16.00 næsta dag.

Menn velta því fyrir sér hvort iðnmeistarar sem höfðu réttindi byggingastjóra samkvæmt eldri lögum/reglugerð haldi þeim réttindum með tilkomu nýrra laga/reglugerðar. Hér skal leitast við að svara því.

Ný lög um mannvirki tóku gildi 1. janúar 2011 og í framhaldi af því fór fram umfangsmikil vinna við endurskoðun byggingarreglugerðar, sem nú hefur verið undirrituð. Umhverfisráðuneytið og Mannvirkjastofnun standa því fyrir sjö kynningarfundum um nýja byggingarreglugerð, sem hér segir:

Launahækkanir 1. febrúar 2012 eru samkvæmt kjarasamningum SA og aðildarsamtaka ASÍ, dags. 5. maí 2011. Helstu launabreytingar sem koma til framkvæmda eru þær að kjarasamningsbundnir kauptaxtar hækka um 11.000 kr. á mánuði og að ráðningarsamningsbundin laun og aðrir launatengdir liðir hækka almennt um 3,5%.

Rafiðnaðarskólinn býður nú uppá stutt námskeið í gerð áhættumats. Námskeiðið var undirbúið í samvinnu við SART og Vinnueftirlitið og miðast við rekstur rafiðnaðarfyrirtækja. Námskeiðið er á dagskrá skólans þann 9. febrúar nk. kl. 9-12 árdegis.

Námskeiðið snýst um grundvallaratriði er varða rekstur fyrirtækis. M.a. er fjallað um sölu- og markaðsmál, rekstrar- og fjárhagsáætlanir ásamt skattamálum. Horft er til viðskiptaáætlana og/eða viðskiptahugmynda (módela). Þetta námskeið er auglýst dagana 13 og 14 febrúar nk. frá kl.: 13:00 til 17:00, í húsnæði Rafiðnaðarskólans. Reiknað er með að þetta verði þrjú skipti og ræðst að sjálfsögðu af þátttöku á fyrsta hluta námskeiðsins.

Mennta- og menningarmálaráðuneytið auglýsir eftir umsóknum um styrki til fyrirtækja eða stofnana sem taka nemendur í vinnustaðanám. Markmið styrkjanna er að hvetja fyrirtæki eða stofnanir til þess að taka við nemendum sem stunda vinnustaðanám sem hluta af námi á framhaldsskólastigi og gera þeim kleift að ljúka tilskildu vinnustaðanámi samkvæmt aðalnámskrá framhaldsskóla.

Samtök iðnaðarins stóðu nýverið fyrir talningu íbúða í byggingu á Stór-Reykjavíkursvæðinu. Niðurstaðan er að íbúðir sem eru fokheldar eða lengra komnar eru 1175 talsins og hafin er bygging á 244 íbúðum til viðbótar.

Um áramótin hófst nýr kafli í rúmlega 60 ára sögu Samtaka rafverktaka, en þá gengu samtökin í Samtök iðnaðarins. Við inngöngu í SI er SART ekki lengur beinn aðili að Samtökum atvinnulífsins heldur munum við tengjast þeim í gegnum SI. Það fyrsta sem félagsmenn SART verða varir við er að skrifstofu SART verður lokað, Anna María mun hætta störfum og Ásbjörn verður starfsmaður SI. Hann mun nú sem fyrr annast störf fyrir félagsmenn SART auk þess að taka þátt í starfi fyrir önnur félög tengd byggingariðnaði.