Fréttir

Á Samgöngusafninu á Skógum undir Eyjafjöllum hefur verið komið upp miklu safni fjarskiptatækja. Nú á að setja upp sérstakan bás með NMT kerfinu í heild sinni. Þar verða allar kynslóðir NMT sendanna og síðan er áhugi á að ná öllum tegundum símtækja sem hafa verið í notkun þennan tíma frá 1986, eða í 24 ár.

Á morgunverðarfundi SART fimmtudaginn 9. september n.k. mun Ásmundur G. Vilhjálmsson fjalla um nýlegar breytingar á skattlagningu fyrirtækja og hvaða áhrif þær hafa á fyrirtækin. Fundurinn er að venju haldinn í Húsi atvinnulífsins Borgartúni 35, 6. hæð frá kl. 08:45 - 10:00.

Nýsköpunarmiðstöð Íslands býður húseigendum og iðnaðarmönnum á opið námskeið um viðhald og verðmæti fasteigna sem haldið verður á nokkrum stöðum um landið í vetur. Viðhald og verðmæti er samstarfsverkefni Nýsköpunarmiðstöðvar og Íbúðalánasjóðs við sérfræðinga frá verkfræðistofum, Orkusetrinu, Rafiðnaðarskólanum, Húsi og heilsu, Iðunni - fræðslusetri og heimamenn í hverjum landshluta fyrir sig.