Fréttir

Borgarráð samþykkti á fundi sínum síðastliðinn laugardag að gera samkomulag við Samtök iðnaðarins fyrir hönd verktaka og greiða verðbætur vegna óverðtryggðra verksamninga. Um árabil hafa verksamningar sem gerðir eru til lengri tíma en til eins árs verið verðbættir. Þannig var það líka í upphafi árs þegar Reykjavíkurborg bauð út framkvæmdir ársins. Síðan reið yfir holskefla hækkana á hráefni og aðföngum til mannvirkjagerðar. Sjá nánar á vef SI

Alþingi hefur samþykkt ný lög sem heimila fyrirtækjum að gera upp ársreikninga sína í erlendri mynt fyrir árið 2008. Félög geta sótt um heimild ársreikningaskrár til 30. desember  til færslu bókhalds og samningar ársreiknings í erlendum gjaldmiðli annars vegar vegna reikningsárs sem hefst 1. janúar 2008 eða síðar á því ári og hins vegar vegna reikningsársins sem hefst 1. janúar 2009. Fyrirtæki sem uppfylla skilyrði aljóðlega reikningsskilastaðalsins um annan starfrækslugjaldmiðil en íslenska krónu geta sótt um. 
Sjá nánar á vef SA

Niðurstöður skoðanakönnunar meðal aðildarfyrirtækja Samtaka atvinnulífsins um ESB og evru liggja nú fyrir. Meirihluti er í fimm aðildarsamtökum SA fyrir því að SA beiti sér fyrir aðild að ESB og upptöku evru en meirihluti í þremur er því andvígur, þar á meðal félagsmenn SART sem skipa sér þar með í hóp með fiskvinnslu og útgerð. Aðeins 36% félagsmanna SART greiddu atkvæði.
Sjá nánar á vef SA

Hagtíðindaheftið Vísitala byggingarkostnaðar 2008 er komið út. Í heftinu eru birtar töflur um breytingar á byggingarvísitölu síðustu 12 mánuði.Vísitala byggingarkostnaðar hækkaði um 26,8% frá desember 2007 til jafnlengdar árið 2008. Vinnuliðir vísitölunnar hækkuðu um 13,4% (áhrif á vísitölu 7,0%) og efnisliðir hækkuðu um 41,1% (19,8%).

Fjármálaráðuneytið hefur í dag beint þeim tilmælum til skattstjóra að fellt verði tímabundið niður álag vegna skila á virðisaukaskatti sem er á gjalddaga 5. desember 2008 og gildi sú niðurfelling í eina viku eða til 12. desember 2008. Þetta kemur fram í tilkynningu frá ráðuneytinu. Sjá nánar hér á vef SA

Vinnuhópur á vegum ríkisstjórnarinnar hefur að undanförnu unnið að því að móta áætlun um brýnar aðgerðir til að bregðast við þeim þrengingum sem þjóðin gengur í gegnum. Lagðar hafa verið fram tilllögur sem hafa það að markmiði að mæta vanda fyrirtækja. Þetta kemur fram í yfirlýsingu frá forsætisráðuneytinu en tillögurnar má nálgast hér á vef SA.

Desemberuppbót fyrir árið 2008 er kr. 44.100,- fyrir flestar starfsgreinar nema verslunarmenn, en þeir fá greiddar kr. 50.000,- Desemberuppbótin greiðist eigi síðar en 15. desember. Sjá nánar á vef SA

Í tengslum við könnun SA um hugsanlega ESB aðild og upptöku EVRU hafa félagsmenn haft samband við skrifstofu SART og óskað eftir ábendingum um efni og fróðleik varðandi málið.

Framkvæmdastjórn SA hefur ákveðið að fram fari rafræn skoðana-könnun meðal aðildarfyrirtækja SA um hvort þau séu fylgjandi eða andvíg því að SA beiti sér fyrir aðild Íslands að ESB og upptöku evru sem gjaldmiðils á Íslandi. Félagsmenn hafa fengið sent lykilorð í tölvupósti til að taka þátt í könnuninni, sem hefst mánudaginn 24. nóvember og líkur kl. 17:00, föstudaginn 5. desember.
SART hvetur félagsmenn sína til þátttöku.

Í tengslum við aðgerðir ríkisstjórnarinnar í þágu fyrirtækja sem nú er unnið að hafa Samtök atvinnulífsins tekið saman áhersluatriði um brýn úrlausnarefni.
Þau má nálgast hér á vef SA

Það er dapurt að horfa uppá hvernig kennitöluflakkarar komast endalaust upp með að valsa um á útboðsmarkaði með niðurboðum, þar sem slagorðið virðist vera: "Nýjar kennitölur bjóða lægst".

Þróun gengis krónunnar hefur komið sér afar illa fyrir rafverktaka, ekki síst á útboðsmarkaði. Hækkun á efni frá gerð tilboða hefur sett menn í þá stöðu að erfitt hefur reynst að standa við gerða samninga og/eða takast á hendur nýjar skuldbindingar.

Aðalfundur FLR - Félags löggiltra rafverktaka verður haldinn í Borgartúni 35, föstudaginn 21. nóvember nk. kl. 16:30. 6. hæð

Fjármálaráðuneytið beinir þeim tilmælum til embætta skattstjóra og tollstjóra að fellt verði tímabundið niður álag vegna þeirra skila á staðgreiðslu sem er á eindaga 17. nóvember og gildi sú niðurfelling í eina viku eða til 24. nóvember nk. "Í tilkynningu ráðuneytisins segir:

Í fréttatilkynningu frá fjármálaráðuneytinu segir að virðisauka-skattskyldum aðilum verði veittur gjaldfrestur á hluta af aðflutningsgjöldum, þ.m.t. virðisaukaskatti, vegna innflutnings á tímabilinu september og október 2008, en greiðsla þeirra fellur í eindaga þann 17. nóvember næstkomandi. Í tilkynningunni segir:

Mikil vinna hefur farið fram innan Samtaka atvinnulífsins í tengslum við vandamál atvinnulífsins í kjölfar falls bankanna. Markmið þessa starfs hefur verið að finna lausnir á bráðavanda fyrirtækjanna og leita leiða til þess að íslenskt atvinnulíf komist aftur á rétta braut.

SART og öryggissvið Neytendastofu hafa nú haldið fundi með rafverktökum í Keflavík, Ísafirði, Akureyri, Egilsstöðum og tvisvar í Reykjavík. Á fundunum hefur nýr staðall, ÍST-200 verðið kynntur og farið hefur verið ýtarlega yfir athugasemdir sem fram koma í skoðunum, bæði á verkum og öryggisstjórnunarkerfum rafverktaka. Fundirnir hafa verið vel sóttir og munu helstu niðurstöður þeirra verða kynntar betur síðar. Næsti fundur verður á Hótel Selfossi fimmtudaginn 20. nóvember nk. kl. 17:00. 

Alþingi hefur samþykkt frumvarp um breytingu á lögum um atvinnuleysistryggingar. Er þar verulega komið til móts við þá launamenn sem semja um lækkun starfshlutfalls og þeim gefinn kostur á mun hærri greiðslum úr Atvinnuleysistryggingasjóði en núgildandi reglur gera ráð fyrir. Samtök atvinnulífsins hafa hvatt fyrirtækin til að skoða vandlega þann kost að bjóða starfsmönnum upp á lægra starfshlutfall, þar sem því verður við komið, og draga þannig úr fjölda uppsagna.
Sjá nánar á vef SA

Samtök atvinnulífsins hafa tekið saman upplýsingar á ensku um stöðu mála í íslensku efnahagslífi. SA hvetja félagsmenn í erlendum samskiptum til að senda upplýsingarnar áfram á sína tengiliði. Þar er m.a. greint frá samkomulagi Íslands við IMF, þýðingu þess og stuðningi forsætisráðherra Norðurlanda við samkomulagið. Ennfremur eru hnökrar í gjaldeyrisviðskiptum skýrðir og greint frá því að aðkomu IMF sé ætlað að koma gjaldeyrisviðskiptum í eðlilegan farveg og stuðla að jafnvægi í gengi krónunnar. Sjá nánar á vef SA

Ljóst er að margir starfsmenn í  rafiðnaði munu fá uppsagnarbréf nú um mánaðamótin. Hækkun stýrivaxta í 18% er dropinn sem fyllir mælinn. Mörgum rafverktakanum þykir erfitt að brjóta upp góðan og samhentan hóp starfsmanna. Í dag upplifa allir neikvæða umræðu, hvort sem það er á kaffistofunni, í eldhúsinu heima, í blöðum, útvarpi og sjónvarpi. Uppsagnir liggja í loftinu og óvissan skapar óöryggi og vanlíðan hjá öllum. Því er mikilvægt að eiga samtal við starfsmenn-ina, upplýsa þá um stöðu mála og horfur næstu misseri, heyra hvað þeir hafa til málanna að leggja. Minnkað starfshlutfall og niðurfelling yfirvinnu er leið sem sumir vilja reyna. Hvort það dugar kemur í ljós á næstu vikum.  

Fulltrúar atvinnulífsins telja að tilkynning stjórnvalda um aðstoðar-beiðni til Alþjóðagjaldeyrissjóðsins (IMF) muni skapa aukið traust á íslensku efnahagslífi. Nú sé kominn nauðsynlegur stuðningur við hagkerfið. Samtök atvinnulífsins og Alþýðusambandið hafa um tíma hvatt til að leitað verði aðstoðar Alþjóðagjaldeyrissjóðsins.
Sjá nánar á vef SA

Nú fara í hönd aðalfundir aðildarfélaga SART og fundaröð með öryggisdeild Neytendastofu, NS.

Seðlabanki Íslands hefur óskað eftir því að bankanum verði gert viðvart ef fyrirtæki eiga í erfiðleikum með að flytja fjármagn af reikningum í Bretlandi. Samkvæmt upplýsingum bankans á ekkert að vera því til fyrirstöðu að hægt sé að flytja fjármagn frá bönkum í Bretlandi.
Sjá nánar á vef SA

Margir hafa haft samband við skrifstofu SART með fyrirspurn um það hvernig best sé að standa að uppsögn á yfirvinnu. Svarið við því er að ef yfirvinna er föst og reglubundin þá verður hún ekki felld niður einhliða af vinnuveitanda eða starfsmanni. Því verður að segja upp yfirvinnu með uppsagnarfresti sem jafngildir uppsagnarfresti starfsmanns, nema samkomulag sé við starfsmann um að fella niður yfirvinnu og greiðslu fyrir hana.

Mörg íslensk fyrirtæki standa frammi fyrir skipulagsbreytingum vegna aðstæðna á fjármálamarkaði og óhagstæðum rekstraskilyrðum. Við þær aðstæður getur verið óhjákvæmilegt að fækka starfsmönnum, minnka starfshlutfall, gera breytingar á vinnutíma eða grípa til annarra ráðstafana sem draga úr rekstrarkostnaði. Samtök atvinnulífsins vilja með upplýsingagjöf leitast við að stuðla að góðri framkvæmd upp-sagna þegar þeirra gerist þörf. 
Nánari upplýsingar á vef SA 

Um fjögur af hverjum tíu aðildarfyrirtækjum SA hafa haldið að sér höndum í ráðningum á árinu og hyggjast halda óbreyttum starfs-mannafjölda til áramóta. Þetta kemur fram í nýrri könnun SA á atvinnuhorfum meðal fyrirtækjanna. Stjórnendur 14% fyrirtækja sjá fyrir sér fjölgun starfsfólks á árinu en 48% þeirra hafa fækkað starfsfólki eða hyggjast gera það. Horfur á vinnumarkaði hafa versnað frá því í júlí þegar sambærileg könnun var gerð. Þá sáu 48% stjórnenda fram á óbreyttan starfsmannafjölda innan ársins, 31% fækkun og 21% fjölgun.  Sjá nánar á vef SA

Þegar þrengir að í rekstri fyrirtækja eins og gerist nú í kjölfar fjármálakreppunnar er samruni og/eða samstarf fyrirtækja einn þeirra kosta sem litið er til. Samkvæmt upplýsingum frá Samkeppniseftirlitinu eru samkeppnislög sveigjanleg og geta nýst sem tæki til að leysa ýmis mál sem upp koma í aðstæðum eins og þeim sem nú ríkja. Við ákveðin skilyrði er unnt að heimila samruna sem áður var óhugsandi og sama á við um samstarf fyrirtækja.  Sjá nánar á vef SA

Raflagnastaðallinn ÍST 200 hefur nú tekið gildi og því mun Rafiðnaðar-skólinn bjóða upp á námskeið um staðalinn. Á námskeiðinu verður farið yfir helstu þætti hans og helstu breytingar á reglugerð um raforku-virki. Farið verður með námskeiðið út á land í samvinnu við SART. Námskeiðin verða auglýst nánar þegar dagsetningar liggja fyrir. 

Ég vil hvetja forsvarsmenn fyrirtækja til að bjóða fólki hlutastörf í stað þess að segja því upp ef tök eru á," segir Þór Sigfússon, formaður Samtaka atvinnulífsins. Undanfarna daga hefur SA rætt við forsvars-menn fjölmargra fyrirtækja. „Mörg eru í ágætis málum. Önnur standa frammi fyrir verulegum vandræðum. Sum voru þegar þjökuð vegna vaxtastigsins áður en þetta ástand skall á," segir Þór.
Sjá nánar á vef SA

Samtök atvinnulífsins hafa stofnað vinnuhóp til að fylgjast með afleiðingum fjármálakreppunnar fyrir atvinnulífið í landinu. Þetta kemur fram í tilkynningu frá SA. Vinnuhópurinn er skipaður fulltrúum allra aðildarsamtaka SA og fulltrúa Viðskiptaráðs Íslands. Safnað verður saman upplýsingum um áhrif á fyrirtæki, vandamál sem upp koma og hvernig unnt er að bregðast við þeim. Samtökin munu koma upplýsingum á framfæri við fulltrúa ríkisstjórnarinnar og gæta þannig hagsmuna fyrirtækjanna.

Næsti morgunverðarfundur FLR og SART verður haldinn miðvikudaginn 8. október nk. í Borgartúni 35, 6. hæð kl. 08:45. Gestur fundarins er Hrólfur Jónsson sviðsstjóri framkvæmda og eignasviðs Reykjavíkurborgar. Framkvæmda og eignasvið ber ábyrgð á öllum verklegum framkvæmdum sem tengjast mannvirkjum borgarinnar, húseignum hennar og gatnakerfi. Hrólfur mun kynna stefnu borgarinnar og verkefnin framundan.

Það er þörf á hugarfarsbreytingu bæði hjá verktökum og verkkaupum. Gæðastjórnun er nauðsynleg. Hún þarf ekki að vera flókin og á ekki að vera flókin sagði Guðjóna Björk Sigurðardóttir á fundi um gæðastjórn-un í byggingariðnaði á Íslandi. Hver er staðan hjá löggiltum rafverk-tökum ?

Töluverður misbrestur er á því að skýrslur um neysluveitur sem rafverktakar senda til orkufyrirtækjanna berist áfram til Neytendastofu þrátt fyrir samkomulag þar um. Þetta ástand er með öllu óviðunandi og veldur oft misskilningi og vandræðum. SART hvetur því alla rafverktaka sem ekki tilkynna rafrænt gegnum Form.is að senda loka-skýrslur beint til Neytendastofu.   

Neysluveita er raflögn og rafbúnaður innan við stofnkassa í húsum. Á einni heimtaug geta verið fleiri en ein neysluveita. Raflagnir húsa skulu alltaf unnar á ábyrgð og undir handleiðslu löggilts rafverktaka. Neytendastofa hefur yfireftirlit með því að neysluveitur brjóti ekki í bága við ákvæði laga og reglugerða.

Öll rafföng sem markaðssett eru á Íslandi skulu uppfylla ákvæði um öryggi sem fram koma í reglugerð um raforkuvirki nr. 264/1971 (kafli 1.7) og einnig ákvæði um rafsegulssviðssamhæfi sem sett eru fram í reglugerð um sama efni nr. 146/1994. Framleiðendur og/eða inn-flytjendur bera ábyrgð á að ákvæðum ofangreindra reglugerða sé fylgt. 

Laugardaginn 13. september var haldin útskriftarhátíð rafiðnsveina í Gullhömrum í Grafarholti. Að hátíðinni stóðu að venju SART, RSÍ, Rafiðnaðarskólinn og Fræðsluskrifstofa rafiðnaðarins. Alls fengu 79 rafiðnaðarmenn afhent sveinsbréf, 73 rafvirkjar, 5 rafeindavirkjar og einn rafvélavirki. Þá voru afhentar viðurkenningar fyrir góðan árangur á sveinsprófi. Að þessu sinn útskrifuðust fimm stúlkur sem rafvirkjar sem er óvenjulegt en jafnframt ánægjulegt.

Alþingi samþykkti síðastliðið vor breytingar á lögum nr. 55/2003 um úrgang, sem varðar sérstaklega þá sem markaðssetja raf- og rafeindatæki á Íslandi, annað hvort sem innflytjendur eða framleið-endur. Þessir aðilar nefnast einu nafni framleiðendur í lögunum og bera samkvæmt þeim svo kallaða framleiðenda ábyrgð sem felst í því að þegar notkun raf- og rafeindatækja lýkur þá sé þeim fargað eftir viðurkenndum leiðum. 

Fyrsti kvöldfyrirlestur Rafiðnaðarskólans á þessu hausti verður haldinn 24. september nk. kl. 20:00 - 22:00. Fyrirlesturinn nefnist "Tæknin á bak við rafræn skilríki". Fyrirlesarar eru þeir Sverrir Bergþór Sverrisson frá Auðkenni hf. og Kristinn Stefánsson frá Kaupþing banki hf. 

Námsvísir Rafiðnaðarskólans fyrir haustönn 2008 er kominn út. Framboð fagnámskeiða er með hefðbundnum hætti, nokkur námskeið hafa verið endurnýjuð og verið er að undibúa ný námskeið. Áfram verður boðið upp á svo nefnd STUTT námskeið þar sem lengd og tímasetning er breytileg. Lögð verður áhersla á samvinnu við fyrirtæki tengd rafiðnaðinum um sérhæfð námskeið og kynningar.

Samkvæmt kjarasamningum SA ber öllum atvinnurekendum að kaupa slysatryggingu vegna launamanna sem hjá þeim starfa. Vanræksla getur verið dýrkeypt. Samtök atvinnulífsins minna atvinnurekendur jafnframt á að mikilvægt er að tilkynna um öll vinnuslys án tafar til Vinnueftirlits ríkisins   Sjá vef SA

Líklegt er að það ástand sem nú er að skapast á byggingarmarkaði kalli á fleiri meistaraskipti. Byggingaraðilar, fyrirtæki jafnt sem einstaklingar lenda í fjárhagsvanda og eignir ganga kaupum og sölum. Í þessu sambandi er gott að hafa í huga að um meistara-skipti gilda reglur, bæði samkvæmt byggingarreglugerð og reglugerð um raforkuvirki. Þá gilda strangar reglur um byggingarstjóra, en þeir gegna lykilhlutverki við ráðningu og uppsögn iðnmeistara. 

Fræðsluskrifstofa rafiðnaðarins hefur milligöngu um nemendaskipti í rafiðnum við fyrirtæki á Norðurlöndunum, aðallega í Svíðþjóð og Danmörku. Það er einstakt tækifæri fyrir unga rafvirkja-nema að eiga þess kost að fá starfsþjálfun í fyrirtækjum erlendis ásamt því að læra tungumálið. Á heimasíðu fræðsluskrifstofunnar er hægt að nálgast umsóknar-eyðublað og frekari upplýsingar ... sjá hér

Í haust mun Staðlaráð Íslands gefa út "Tæknireglur um fjarskiptalagnir í íbúðarhúsnæði". Tæknireglunum er ætlað að vera leiðbeinandi um hönnun, verklegan frágang, mælingar og skil á fjarskiptalögnum í íbúðarhúsnæði. Þetta er í fyrsta sinn sem gefnar eru út á Íslandi tæknireglur að þessu tagi, sem munu auðvelda hönnuðum, verktökum og öðrum sem að verki koma að vinna út frá samræmdum forsendum.

Skrifstofa SART minnir á orlofshús rafverktaka í Ásgarði. Móttaka pantana fyrir veturinn er hafin. Hægt er að panta hvort sem er viku- eða helgardvöl og allt þar á milli.

Fyrsti morgunverðarfundur FLR og SART á þessu hausti verður haldinn fimmtudaginn 11. september nk. kl. 08:45 árdegis í Borgartúni 35, 6. hæð. Gestur fundarins að þessu sinni verður Tómas Hansson, sviðstjóri framkvæmda hjá Orkuveitu Reykjavíkur. Meginhlutverk framkvæmdasviðs er m.a. að veita öðrum deildum og viðskiptavinum OR framkvæmdalega þjónustu. Sviðið hefur jafnframt fageftirlit með verkum OR. 

Menntamálaráðuneytið felur Fræðsluskrifstofu rafiðnaðarins það verkefni að gefa umsagnir um menntun þeirra útlendinga sem sækja um að gerast löglegir fagmenn í rafiðnaði á Íslandi. Á árunum 2006-2008 hefur skrifstofan samþykkti 448 rafiðnaðarmenn, þar af 383 rafvirkja, 16 rafvélavirkja, 13 rafeindavirkja, 18 rafveituvirkja, 16 línu-menn og 2 símsmiði.

Sveinspróf í rafvirkjun og rafvélavirkjun voru haldin í júní sl. Prófin voru haldin Rafiðnaðarskólanum, Verkmenntaskólanum á Akureyri og að Stórhöfða 31. Niðurstöður úr prófunum voru betri nú en oft áður.

Í vor voru á Alþingi samþykktar breytingar á lögum nr. 146/1996 um öryggi raforkuvirkja neysluveitna og raffanga. Breytingarnar miðuðu að því að taka af tvímæli um fullnægjandi lagastoð varðandi hæfniskröfur við löggildingu Neytendastofu á rafverktökum, m.a. í kjölfar umfjöllunar umboðsmanns Alþingis um mál á sviði rafmagnsöryggis. Lagabreytinguna má sjá á vef Alþingis. 

Fimmtudaginn 10. júlí fer fram í Húsi atvinnulífsins undirbúnings-stofnfundur félags til að reka skilakerfi framleiðenda og innflytjenda raf- og rafeindatækja.  Markmið félagsins er m.a. að kosta geymslu raf- og rafeindatækjaúrgangs og tryggja söfnun og móttöku á raf- og rafeindatækjaúrgangi frá söfnunarstöðvum.

Undir lok síðasta árs var reglugerð um raforkuvirki breytt verulega. Felldir voru burtu kafli 2 Heiti og hugtök og kafli 3 Reglur um gerð, tilhögun og starfrækslu raforkuvirkja. Eftir stendur nokkuð breyttur 1. kafli sem lýsir fyrirkomulagi rafmagnsöryggismála hér á landi. Kafli 3 var tæknilegi hluti reglugerðarinnar þar sem lýst var nokkuð nákvæmlega hvernig útfærsla virkja ætti að vera svo þau stæðust kröfur um rafmagnsöryggi.

Verið er að endurskoða ÍST 30, Almenna útboðs- og samnings-skilmála um verkframkvæmdir. Óskað er eftir athugasemdum frá félagsmönnum SART. Hafi menn ábendingar um lagfæringar eða breytingar vinsamlegast hafið samband við skrifstofuna í síma
591-0150 eða sendið tölvupóst á asbjorn@sart.is 

Mæting var góð á morgunverðarfund FLR og SART sem haldinn var fimmtudaginn 10. apríl sl. en þar fjallaði m.a. Árni Jóhannsson viðskiptafræðingur og starfsmaður SI um ÍST-30, Almenna útboðs- og samningsskilmála um verklegar framkvæmdir. Talsverðar umræður urðu um stöðu efnahagsmála og nauðsyn þess að taka að nýju upp ákvæði um verðbætur í verksamningum.

Aðalfundur SART haldinn á Grand Hótel Reykjavík, þann 7. mars 2008 skorar á Gagnaveitu Reykjavíkur að halda verkefnum sínum sem mest á markaði, með opnum útboðum eins og verið hefur frá upphafi.

Við þær aðstæður sem nú ríkja í þjóðfélaginu kemur hvað best í ljós hversu mikilvægt það er að við stöndum vel að rafiðnaðarnáminu þannig að atvinnulífið eigi árlega kost á mörgum nýjum og góðum sveinum. Það er því mikið gleðiefni, sá mikli fjöldi rafiðnaðarnema sem þreytt hafa sveinspróf síðustu misseri sagði Jens Pétur Jóhannsson formaður SART, í skýrslu sinn á aðalfundi SART.

Rafverktakar muna tímana tvenna þegar kemur að starfsréttindum þeirra og starfsumhverfi. Sú var tíðin að Rafmagnseftirlit ríkisins veitti rafvirkjameisturum landslöggildingu, löggildingu sem veitti þeim þó engin starfsréttindi í raun. Í þá daga gat rafverktaki úr Reykjavík ekki tekið að sér verkefni upp á Skaga öðru vísi en að tilkynna sig inn til Rafveitu Akraness. Það sama gilti um Skagamanninn sem vildi vinna í Reykjavík, þar sem Rafmangsveita Reykjavíkur réð ríkjum.

Á aðalfundi SART var kjörin ný stjórn til eins árs, sem síðan skipaði framkvæmdastjórn.
Sjá nánar

Kjörfundi er lokið hjá RSÍ.  Á kjörskrá voru 2930, atkvæði greiddu 476 eða 16,25%. Samningurinn var samþykktur með 70,8% atkvæða.
Sjá nánar á vef RSÍ

Aðalfundur SART, Samtaka atvinnurekenda í raf- og tölvuiðnaði sem haldinn er á Grand Hótel Reykjavík þann 7. mars 2008, samþykkir eftirfarandi ályktun:

Rafræn atkvæðagreiðsla um nýja kjarasamninga sem Samtök atvinnulífsins undirrituðu við meginþorra stéttarfélaga innan ASÍ 17. febrúar er hafin meðal aðildarfyrirtækja SA. Á grundvelli samþykkta SA ákvað framkvæmdastjórn samtakanna að greiða skyldi atkvæði um samningana dagana 3.-7. mars. Félagsmenn Samtaka atvinnulífsins hafa fengið upplýsingar um framkvæmd atkvæðagreiðslunnar.

Mikilvægt er að fyrirtæki geri ekki aðrar launabreytingar nú en þær sem ákveðnar eru með samningunum og bíði þangað til áhrif samning-anna hafa komið fram. Fyrirsjáanlegt er að það hægir á efnahagslífinu og fyrirtæki verða að vanda vel til ákvarðana sem hafa áhrif á rekstrarlega stöðu þeirra. Með réttri framkvæmd kjarasamninganna og framlagi stjórnvalda eru góðar horfur á að starfsskilyrði atvinnulífsins batni, vextir lækki, verðbólga minnki og raunverulegar kjarabætur verði tryggðar.

Leiðbeinandi launatöflur sem gilda frá 1. febrúar 2008 hafa verið settar á innra net SART. Þá hafa þær einnig verið sendar í tölvupósti til félagsmanna. Við minnum jafnframt á vef Samtaka atvinnulífsins þar sem finna má kjarasamningana í heild sinni ásamt upplýsingum um lágmarks laun og lágmarks taxta. Nánari upplýsingar gefur skrifstofa SART.

Ein af kröfum RSÍ í nýliðnum kjaraviðræðum var að rafiðnaðarmenn fengju greiddan ferðakostnað væri þeim gert að mæta á annan stað en verkstæði í upphafi vinnudags. Á þetta var ekki fallist, en samkomu-lag náðist um aðra nálgun. Á heimasíðu sinni mánudaginn 18. janúar sl. lætur RSÍ sem að krafa þeirra hafi verið samþykkt, sem er í besta falli tilefni til leiðinda og misskilnings.

Síðast gildandi kjarasamningar Samtaka atvinnulífsins og aðildar-fyrirtækja annars vegar og Rafiðnaðarsambands Íslands vegna aðildarfélaga hins vegar framlengist til 30.nóvember árið 2010 með þeim breytingum og fyrirvörum sem í samningnum felast og falla þá úr gildi án sérstakrar uppsagnar. Samningur þessi gildir frá 1. febrúar 2008.

Í kjarasamningunum sem undirritaðir voru 17. febrúar hækkuðu kauptaxtar verkafólks um 18 þúsund krónur á mánuði og iðnaðarmanna um 21 þúsund krónur á mánuði. Samningarnir fela í sér launaþróunartryggingu sem er 5,5%, sem virkar þannig að hafi laun ekki hækkað sem því nemur frá 2. janúar 2007 hækka þau nú um það sem á vantar hjá þeim sem hafa verið í starfi þennan tíma. Laun sem hafa hækkað um 5,5% eða meira hækka ekki nú. Í samningunum felast engar almennar flatar launahækkanir.

Umhverfisráðherra hefur lagt fram á Alþingi frumvarp til laga um mannvirki. Í frumvarpinu er gert ráð fyrir að rafmagnsöryggismál flytjist frá Neytendastofu til Byggingarstofnunar sem áætlað er að taki til starfa 1. júní nk. og hafa samtök rafverktaka áður lýst stuðningi við þær breytingar. Hins vegar eru samkvæmt frumvarpinu áform um að skipta málaflokknum "markaðseftirlit með rafföngum" upp í tvo hluta sem er gjörsamlega óskiljanlegt. 

Næsti morgunverðarfundur FLR og SART verður haldinn fimmtu-daginn 14. febrúar nk. í Borgartúni 35, 6. hæð kl. 08:45 - 10:00. Að þessu sinni mun Jóhann Ólafsson sviðsstjóri rafmagnsöryggis-deildar Neytendastofu fjalla um nýjar reglur á rafmagnsöryggissviði - ÍST 200. Umræður og fyrirspurnir.

Aðalfundur Félags rafverktaka á Suðurlandi verður haldinn á Hótel Selfossi föstudaginn 15. febrúar nk. kl. 17:00. Boðið verður til í kvöldverðar að loknum fundi. Fundarboð með dagskrá hefur verið sent félagsmönnum.

Aðalfundur Félags rafverktaka á Norðurlandi verður haldinn á Hótel KEA,  Akureyri föstudaginn 22. febrúar nk. kl. 16:00. Fundarmönnum ásamt mökum er boðið til kvöldverðar á sama stað kl. 20:00. Fundarboð með dagskrá hefur verið sent félagsmönnum.

Starfsmenntaráð auglýsir eftir umsóknum eftir umsóknum um styrki vegna starfsmenntunar í atvinnulífinu. Skilafrestur umsókna er 28. febrúar 2008.
Sjá vefsíðu starfsmenntaráðs.

Rafiðnaðarskólinn býður nú á vorönn upp á námskeið  um Linux stýrikerfið og  OpenOffice töflureikni og ritvinnslu. Linux stýrikerfið er í mikilli sókn á tölvumarkaðnum. Linux er frír og opinn hugbúnaður og að margra mati öruggari í keyrslu en önnur stýrikerfi.

Rekstur sölu- og þjónustufyrirtækisins Mömmu ehf. verður sameinaðaður rekstri Vodafone samkvæmt ákvörðun stjórnar Teymis, móðurfélags beggja fyrirtækjanna.  Mamma ehf. sérhæfir sig í tækniþjónustu við heimili og býður m.a. aðstoð við uppsetningu og stillingu á tæknibúnaði ýmis konar.

Þann 31. janúar fer fram á Hótel Loftleiðum umræðufundur um Ísland og Evrópusambandið.  Fundurinn stendur frá kl. 13:30-17:00 og er opinn fulltrúum í stjórn SA og aðildarsamtaka SA auk starfsmanna samtakanna.

Fyrsti morgunverðarfundur FLR og SART á nýju ári verður haldinn í Borgartúni 35, 6.hæð, fimmtudaginn 10. janúar nk. kl. 08:45. Sigurður Geirsson og Örlygur Jónatansson munu kynna starfsemi Rafiðnaðar-skólans á vorönn, þar sem boðskiptalagnir og nýr staðall í stað reglugerðar eru m.a. á dagskrá.