Fréttir

Neytendastofa vekur athygli á nýrri breytingu á reglugerð um raforkuvirki nr. 264/1971. Helstu breytingar eru þær að að kafli 2 Heiti og hugtök og kafli 3 Reglur um gerð, tilhögun og starfrækslu raforkuvirkja eru felldir niður. Þess í stað skulu háspennt raforkuvirki, háspenntar loftlínur, ásamt lágspenntum raforkuvirkjum (neysluveitum) og lágspenntum loftlínum uppfylla ákveðnar grunnkröfur sem tilgreindar eru í grein 1.10 í reglugerðinni, ásamt sérstökum öryggiskröfum sem tilgreindar eru í greinum 1.11, 1.12 og 1.13.

Starfsmenn sem hafa verið í fullu starfi allt árið hjá sama fyrirtæki og eru við störf í fyrirtækinu síðustu viku í nóvember eða í fyrstu viku desember skulu eigi síðar en 15. desember fá greidda sérstaka eingreiðslu, desemberuppbót.

Staðlaráði er heimilt að gefa út íslenska forstaðla. Forstaðall (FS) er skjal sem inniheldur reglur eða leiðbeiningar og er ætlað til notkunar á svipaðan hátt og staðall. Forstaðall hefur takmarkaðan gildistíma, að hámarki þrjú ár, og skal koma fram á forsíðu forstaðalsins hver gildistími hans er.

Í launakönnun sem gerð var hjá SART fyrirtækjum í október kom fram að meðal tímakaup (taxtakaup) rafvirkja í dagvinnu er 1.523,- kr. Er niðurstaðan nálægt því hin sama og kom fram í síðustu launakönnun RSÍ. Meðal tímakaup (taxtakaup) nema og ófaglærðra í dagvinnu var 1.152,- kr.

Rafstaðlaráð hefur samþykkt að unnið verði að upptöku forstaðals á grunni “Leiðbeinandi tæknireglna um boðskiptalagnir”. Markmiðið er að koma skipulagi á hönnun, lagningu, frágang og prófanir á boð-skiptakerfum fyrir húsbyggingar. Þessi ákvörðun er mikil viðurkenning á því starfi sem hópur áhugasamra aðila hefur verið að vinna að á síðustu tveim árum.  

Jóla-morgunverðarfundur FLR verður haldinn í Borgartúni 35, 6. hæð fimmtudaginn 13. desember nk. kl. 08:45 - 10:00. Að þessu sinni leggja menn tæknimálin til hliðar og snúa sér að mýkri málum. Þorgrímur þráinsson rithöfundur mætir á staðinn og les upp úr nýútkominni bók sinni " Hvernig gerirðu konuna þína hamingjusama".

Þann 1. janúar 2008 tekur gildi ný atvinnugreinaflokkun á Íslandi, ÍSAT2008. Flokkunin er byggð á nýrri atvinnugreinaflokkun Evrópusambandsins, NACE Rev. 2,  sem mun gilda í öllum ríkjum evrópska efnahagssvæðisins frá 1. janúar 2008. Frá þeim tíma verður nýju flokkuninni beitt í fyrirtækjaskrá ríkisskattstjóra og í opinberri hagskýrslugerð af Hagstofu Íslands.

STUTT- námskeið er ný tegund námskeiða sem Rafiðnaðarskólinn býður nú á komandi haustönn. Eins og nafnið bendir til er um styttri námskeið að ræða en hin hefðbundnu þriggja daga fagnámskeið sem mest hafa verið í boði fram til þessa. STUTT-námskeiðin eru  allt frá hálfum degi og upp í tvo daga. Hér er samt sem áður um vönduð fagnámskeið að ræða bæði bókleg og verkleg, þar sem metnaður er lagður í að skila þátttakendum góðri þekkingu á þeirri tækni sem fjallað er um hverju sinni. Leitast er við að fella tímalengd námskeiðs-ins að umfangi efnisins hverju sinni.

Stjórn SART, Samtaka atvinnurekenda í raf- og tölvuiðnaði leggur áherslu á mikilvægi þess að öll starfsemi Rafmagnsöryggisdeildar Neytendastofu verði flutt til nýrrar stofnunar, Byggingarstofnunar eins og lagt hefur verið til í frumvarpi til laga um mannvirki. Þá varar stjórnin eindregið við þeim hugmyndum sem fram komu í tíð fyrri ríkisstjórnar þess efnis að skipta málaflokknum upp á milli ráðuneyta.

Framleiðendur og innflytjendur raftækja og rafeindatækja bera ábyrgð á og greiða fyrir söfnun og förgun úrsérgenginna raftækja og rafeindatækja eftir að ný tilskipun Evrópusambandsins um raftækja- og rafeindatækjaúrgang tekur gildi á næsta ári. Tilskipunin var kynnt á upplýsingafundi í Húsi atvinnulífsins en Samtök atvinnulífsins, Félag íslenskra stórkaupmanna, Samtök iðnaðarins og SVÞ – Samtök verslunar og þjónustu boðuðu til fundarins. Sjá nánar á vef SA

Stuttnámskeið í þessari viku:  Tímalengd 2 dagar  (1.-2.nóvember).
Á fyrirtækið þitt fullkominn loftnetsmælir til lokaúttektar og skýrslugerðar? Eru þið starfsmennirnir klárir á að framkvæma sjálfvirkar mælingar með mælitækinu og skila lokaskýrslu með niðurstöðum mælinganna? Þetta tveggja daga námskeið þjálfar þátttakendur í að nýta sér sem flesta kosti mælitækisins.

Fyrirlestur um tæknina á bak við 3. kynslóðar farsímann. Síminn hóf rekstur á 3G farsímakerfi sl. haust, fyrst íslenskra fjarskiptafyrirtækja og hefur nú þegar skapað sér reynslu á þessu sviði. Sæmundur E. þorsteinsson forstöðumaður hjá Símanum mun kynna þessa nýju tækni í Rafiðnaðarskólanum miðvikudagskvöldið 31. október nk. kl. 20:00 - 22:00. Skráning á www.raf.is eða í síma 568-5010

Héraðsdómur Reykjaness hefur komist að þeirri niðurstöðu, að Ríkisútvarpið hafi haft lögin sín megin þegar stofnunin innheimti afnotagjald af útvarpstækum í 18 rútum í eigu rútufyrirtækis í Hafnarfirði. Vonandi er bara hálfleikur í málinu og að það fari fyrir hæstarétt. 

Óskað er eftir tilnefningum til Starfsmenntaverðlauna Starfsmennta-ráðs og Menntar fyrir 2. nóvember nk. Verðlaunin eru hugsuð sem hvatning fyrir aðila sem þykja vera að vinna framúrskarandi starf á sviðið starfsmenntunar.

Um síðustu helgi stóð Rafiðnaðarskólinn fyrir eftirmenntunar-námskeiði fyrir rafiðnaðarmenn á Egilsstöðum. Þetta var grunn-námskeið í loftnetstækni og var fyrst af fjórum námskeiðum sem áætlað er að halda á Egilstöðum á þessari skólaönn.

Í dag hefjast í fyrsta sinn útsendingar á háskerpusjónvarpi á Íslandi. 365 Miðlar munu í dag hefja útsendingar á tveimur slíkum sjón-varpsrásum á höfuðborgarsvæðinu. Fljótlega hefjast sendingar einnig á Akureyri. Stafrænt háskerpusjónvarp er bylting í sjónvarpstækninni sem á eftir að hafa mikil áhrif í nánustu framtíð.

Aðilar vinnumarkaðarins undirbúa sig nú undir viðræður um nýja kjarasamninga. Félagsmenn SART eru hvattir til að hafa samband við skrifstofu SART hafi þeir hugmyndir varðandi áherslur samtakanna í komandi kjaraviðræðum við RSÍ og eins ef menn hafa tillögur um tilteknar breytingar á kjarasamningi SA/SART og RSÍ.

Næsti morgunverðarfundur FLR og SART verður haldinn í Borgartúni 35, 6. hæð, fimmtudaginn 11. október nk. kl. 08:45. Að þessu sinni mun Ólafur Sigurðsson forstöðumaður Ákvæðisvinnustofu kynna nýjan ákvæðisvinntaxta. Hann mun jafnframt kynna nýtt reikniforrit, en það liggur miðlægt á netinu sem auðveldar mjög aðgengi og alla notkun þess.

Hefðbundin útskriftarhátíð nema í rafiðnum var haldin laugardaginn 29. september sl. Að hátíðinni standa SART og RSÍ en í þetta sinn fengu 78 nemar afhent sveinsbréf. Alls hafa á árinu verið útskrifaðir 169 rafiðnaðarmenn, þar af 136 rafvirkjar, 32 rafeindavirkjar og 1 símsmiður. Aldrei fyrr hafa fleiri rafiðnaðarmenn verið útskrifaðir á einu og sama árinu og því ber að fagna, þar sem eftirspurn eftir rafiðnaðarmönnum er mjög mikil.  

Þensla á byggingamarkaði og skortur á rafvirkjum hefur orðið til þess að valda óróa í fyrirtækjunum og baráttan um starfsmenn tekur á sig ýmsar myndir. Dæmi eru um að rafvirkjar telji sig geta gengið út  án þess að virða uppsagnarfresti og í sumum tilfellum ganga fyrirtækin of langt í að yfirbjóða starfsmenn annara fyrirtækja. Í hita leiksins virðist það stundum gleymast að á vinnumarkaði gilda leikreglur, skráðar og óskráðar sem mönnum ber að virða.

Félag löggiltra rafverktaka FLR, fagnar 80 ára afmæli um þessar mundir. Fimm framsýnir atvinnurekendur stofnuðu Félag rafvirkja-meistara í Reykjavík árið 1927. Ráðamenn Rafvirkjafélagsins gerðu sér fljótt grein fyrir mikilvægi þess að til væri öflugt félag atvinnu-rekenda. Þeim varð strax ljóst að til að gera kjarasamning þyrfti að minnsta kosti tvo til.

Fræðsluskrifstofa rafiðnaðarins hefur hleypt af stokkunum verkefninu “Ertu í stuði?” Verkefnið gengur út á að ná til einstaklinga sem hafa af einhverjum ástæðum ekki lokið námi í rafvirkjun eða rafvélavirkjun. Greina stöðu þeirra, meta færni og gefa þeim kost á að ljúka því iðnnámi sem þeir hófu á sínum tíma.

Fyrsti morgunverðarfundur FLR og SART á þessu hausti verður haldinn fimmtudaginn 13. september n.k. í Borgartúni 35, 6. hæð kl. 08:45 - 10:00. Sæmundur E. Þorsteinsson forstöðumaður rannsóknardeildar Símans mun fjalla um 3 G - 3ju kynslóð farsíma.

Námsvísir Rafiðnaðarskólans fyrir haustönn kemur nú út með svipuðu sniði og áður, framboð fagnámskeiða er með hefðbundnum hætti. Nokkur námskeið hafa verið endurnýjuð og verið er að undirbúa nokkur ný námskeið. Áfram verður boðið upp á svonefnd STUTT námskeið þar sem lengd og tímasetning er breytileg. Lögð verður áhersla á samvinnu við fyrirtæki tengd rafiðnaðinum um sérhæfð námskeið og kynningar.

Eins og flestum er kunnugt þá hefur á undanförnum árum hjólhýsum, húsbílum, fellihýsum og tjaldvögnum fjölgað gríðarlega hér á landi. Í mörgum gerðum þessara öku- og tengitækja eru raflagnir og þá fylgir þeim einnig töluvert af ýmis konar rafmagnstækjum.

Ráðgert er að nú á haustmánuðum verði ný útgáfa af ákvæðisvinnu-taxtanum tilbúin til prófunar.  Forritarinn hefur hafið vinnu við að setja upp nýja útgáfu af köflum 09-21. Talsverðar breytingar hafa verið gerðar á innihaldi taxtans til einföldunar hvað varðar samsett verð og janframt er tekið á nýjum liðum. Þá er liðum fækkað í nokkrum köflum

Nú fer hver að verða síðastur að bóka dvöl í haust og vetur. Hvergi er betra að vera þegar húmar að kveldi og stjörnubjartur himinn skapar rómantíska stemmningu í heita pottinum. Uppl. á skrifstofu SART í síma 591-0150 eða anna@sart.is

Þann 29. mars s.l. varð Félag löggiltra rafverktaka 80 ára. Í tilefni þess býður félagið félagsmönnum sínum og mökum þeirra til móttöku á Hótel Nordica föstudaginn 21. september nk. milli kl. 18:00 og 20:00. Stjórn FLR  hvetur félagsmenn og maka þeirra til þess að koma og samgleðjast  í tilefni  þessara merku tímamóta og þiggja veitingar.

Aðalfundur Félags löggiltra rafverktaka verður haldinn á Hótel Nordica föstudaginn 21. september nk. kl. 16:30.

Hafin er vinna við endurbætur á rafkerfi íbúða á svæðinu í samræmi við íslenskar reglur um rafmagnsöryggi og fyrirmæli Neytendastofu. Þróunarfélag Keflavíkurflugvallar hefur nú þegar samið við nokkra löggilta rafverktaka varðandi framkvæmd fyrsta hluta verksins.

Að þessu sinni voru prófin haldin bæði í Reykjavík og á Akureyri.

Skrifstofa SART verður lokuð vegna sumarleyfa frá 16. júlí til 6. ágúst.

Orkuveita Reykjavíkur gerir fyrirtækjum og sveitafélögum tilboð í útilýsingar, m.a. á svæðum sem ekki geta talist til gatna, stíga eða vega. Hér er um að ræða svæðislýsingar, skrautlýsingar og flóðlýsingar, þar sem OR gerir tilboð í heildarpakkann. Spurningar vakna um hvort þessi starfsemi fyrirtækisins brjóti ekki á bága við samkeppnislög og lög nr.146/1996 um öryggi raforkuvirkja, neysluveitna og raffanga.

Löggildingin er dýrmætt sérleyfi sem rafverktökum er trúað fyrir. Að baki löggildingunni standa miklar kröfur sem þeim er ætlað að standa við, án þeirra skuldbindinga væri löggildingin einskis virði.

Þegar litið er til þess öfluga starfs sem RSÍ og SART ynna af hendi og þann árangur sem náðst hefur með samstarfi aðila, ekki síst á sviði menntamála, þá er ég viss um að forverar okkar sem komu þessu öllu af stað væru sáttir við stöðu mála, þó alltaf megi gera betur og aldrei sé nóg að gert sagði Jens Pétur Jóhannsson formaður SART við setningu RSÍ þings.

Starfsmaður sem er í starfi í síðustu viku apríl eða í fyrstu viku maí, skal við upphaf orlofstöku eða eigi síðar en 15. ágúst fá greidda orlofsuppbót, sem er kr. 23.000 fyrir flestar starfsgreinar nema verslunarmenn, en þeir fá greiddar kr. 17.400.

Málþing fyrir starfsfólk heilbrigðisstofnana og fagfólk í rafiðnaði verður haldið 4. maí í Öskju, húsi náttúrufræða við Háskóla Íslands. Tveir norskir sérfræðingar munu halda erindi um slys af völdum rafmagns og áhrif slíkra slysa á líkamann bæði til skemmri og lengri tíma. Erindi þetta hefur vakið mikla athygli víða erlendis. Boðið er upp á túlkun á erindinu.

Orlofshús rafverktaka er í Ásgarðslandi í Grímsnesi. Enn eru nokkrar lausar vikur í sumar. Uppl. á skrifstofu SART í síma: 591-0150 eða anna@sart.is

Auður íslenskra heimila væri allt að 5% minni ef aðgangur erlends starfsfólks hefði verið takmarkaður að íslenskum vinnumarkaði. Þetta og margt fleira kom fram morgunverðarfundi SA um erlent starfsfólk á Íslandi.   Sjá nánar

Samtök atvinnulífsins, Samtök iðnaðarins, SVÞ-Samtök verslunar og þjónustu, SART og Samorka hafa nú í annað sinn skilað inn sameiginlegri umsögn um frumvarp til skipulagslaga og frumvarp til laga um mannvirki. Ljóst er að óvissa ríkir um afdrif frumvarpanna í kjölfar kosninga.  

Ákvæðisvinnustofa rafiðna er flutt í Skeifuna 11b, 2. hæð, þar sem Rafiðnaðarskólinn er til húsa. Símanúmerið er 553-1050 og netfangið er olafur@ar.is og veffangið er www.ar.is

Neytendastofa hefur innkallað hættulega borðlampa (hugsanlega standlampa einnig) sem seldir voru af Geymslusvæðinu ehf. (sala varnarliðseigna) á síðari helmingi síðasta árs, 2006, t.d. í Blómavalshúsinu við Sigtún í Reykjavík. Um er að ræða „ameríska“ lampa frá varnarliðinu sem staðsett var á Keflavíkurflugvelli. Skoðun á vegum öryggissviðs Neytendastofu hefur leitt í ljós að af viðkomandi lömpum getur stafað hætta á raflosti. Sjá nánar á vef Neytendastofu

Aðalfundur SART var haldinn á Grand Hótel Reykjavík föstudaginn 9. mars sl. og hófst hann kl. 10:00 árdegis með hefðbundnum aðalfundarstörfum. Að venju buðu Smith & Norland, Reykjafell og Rönning til hádegisverðar.

Ábendingar hafa borist frá RARIK um að hugsanlega séu menn enn að nota gömlu tengiskilmálana sem runnu sitt skeið þegar nýju TTR tóku gildi. Við minnum því menn á að TTR- Tæknilegir Tengiskilmálar Raforkudreifingar hafa verið endurskoðaðir og birtir í stjórnartíðindum. Bókin er til afgreiðslu á skrifstofu Samorku. Þeir eru jafnframt aðgengilegir á netinu www.samorka.is

Rafmagnsflugan var eitt af þeim verkefnum sem tilnefnt var á dögunum til nýsköpunarverðlauna forseta Íslands. Rafmagnsflugan er verkfæri til að draga snúrur og leiðslur í röralagnir segir hönnuðurinn Steinþór Bragason. 

RSÍ svarar á heimasíðu sinni þann 21. febrúar sl. athugasemdum SART varðandi skilgreiningar daglauna og útreikning dag-tímalauna. Athugasemdir SART (sem birtust í SART-fréttum og hér á síðunni) beindust að umfjöllun RSÍ um könnun sem Capasent Gallup gerði fyrir RSÍ í september í fyrra. Þar kom fram misvísandi túlkun dag-tímalauna, sem gaf ekki rétta vísun inn í launatöfluna.

Í árslok 2003 var að frumkvæði  félaga og fyrirtækja á Íslandi sem eiga hagsmuna að gæta á sviði boðskiptalagna efnt til samstarfs um að koma upp vinnureglum varðandi tækni- og við­skiptamál. Stefnt var að því að koma upp vinnureglum með svipuðu sniði og unnið er eftir í ná­grannalöndum okkar. Nú liggja þessar vinnureglur fyrir og eru til umsagnar á vef SART 

Fræðsluskrifstofa rafiðnaðarins veitir umsagnir um menntun og réttindi erlendra rafiðnaðarmanna sem hingað koma til starfa. Þann 1. nóvember sl. hafði skrifstofan samþykkt 256 rafiðnaðarmenn, þar af 211 rafvirkja. Athygli vekur að flestir þessara erlendu starfsmanna voru ráðnir til Bechtel á Reyðarfirði eða 221. 

SA halda á næstunni námskeið um starfsmannamál fyrir félagsmenn sína, bæði í Reykjavík og á landsbyggðinni. Boðið verður upp á almenn námskeið um túlkun og framkvæmd kjarasamninga og námskeið um nýjungar í kjarasamningum og lögum og sérhæfða þætti starfsmannamála. Námskeiðin hefjast þriðjudaginn 13. febrúar í Húsi atvinnulífsins en fullbókað er á fyrsta námskeiðið.

Þann 1. febrúar sl. var skrifað undir samning við norska fjarskipta-fyrirtækið Telenor um sendingar Ríkisútvarpsins, Sjónvarpsins, Rásar 1 og Rásar 2, til dreifbýlissvæða á landinu og næstu miða um Thor II gervihnöttinn. Stefnt er að samvinnu við SART um upplýsingagjöf um viðurkennda uppsetningaraðila gerfihnattabúnaðar.

Stefnt er að sameiningu Iðnskólans í Reykjavík og Fjöltækniskólans í haust og þeim breytt í einkahlutafélag. 160 starfsmenn eru í fullu starfi í Iðnskólanum en þar eru samtals 2.200 nemendum að fjarnáms-nemendum og kvöldskólanemendum meðtöldum.

Á ráðstefnunni um framtíðarsýn fyrir boðlagnakerfi íbúðarhúsnæðis sem haldin var þann 25. janúar sl. hélt Örlygur Jónatansson erindi þar sem hann varpaði fram spurningunni Ljósleiðari, Cat eða Koax ? 

Samstarfsnefnd um gerð viðmiðunarreglna fyrir “Framtíðarhúsnæði” var komið á fót vorið 2006. Hópinn mynduðu hönnuðir, verktakar, rafiðnaðarmenn og sérfræðingar á sviði fjarskipta. Við gerð viðmiðunarreglnanna var staðalinn ÍST 150:2002 hafður til hliðsjónar.

Næsti morgunverðarfundur FLR og SART er fimmtudaginn 8. febrúar nk. í Borgartúni 35, 6. hæð og hefst hann kl. 08:45. Á dagskrá er fyrirkomulag heimlagna og samskipti rafverktaka við Orkuveitu Reykjavíkur. Gestur fundarins er Þorvaldur Finnbogason, deildarstjóri hjá Orkuveitunni.

Í launakönnun þeirri sem Capacent Gallup gerði fyrir RSÍ í september sl. og fylgir  kauptöxtum sambandsins fyrir 2007 eru niðurstöður birtar fyrir daglaun og heildarlaun. Því miður er ekki er skilgreint hvað felst í hugtakinu daglaun, sem býður heim misskilningi um hvað í því felst og hvað ekki. 

Stafir lífeyrissjóður varð til við samruna Samvinnulífeyrissjóðsins og Lífeyrissjóðsins Lífiðnar og tók formlega til starfa að fengnu samþykki fjármálaráðuneytisins þann 1. janúar 2007.

Viltu verða betri sölumaður? Viltu gera starfsmenn þína að betri sölumönnum? Nýtt hjá Rafiðnaðarskólanum.

Námsvísir Rafiðnaðarskólans fyrir vorönn 2007 er kominn út. Framboð fagnámskeiða er með hefðbundnum hætti. Nokkur námskeið hafa þó verið endurnýjuð og önnur ný námskeið bætst við. Boðið er upp á nokkur námskeið undir vinnuheitinu STUTT námskeið þar sem lengd og tímasetning er breytileg.

Þann 1. janúar hækkuðu laun um 2,9%. Lágmarkskauptaxtar SA taka viðbótarhækkun umfram það („taxtar nær greiddu kaupi") en leiðbeinandi kauptaxtar SART hækka um 2,9%.  Vakin er sérstök athygli á því að í kaupskrá RSÍ voru þau mistök gerð að SA / SART taxtarnir voru hækkaðir með sama hætti og lágmarkstaxtar SA. Taflan frá RSÍ er því röng. Á innraneti SART eru leiðbeinandi kauptaxtar SART fyrir árið 2007 ásamt lágmarkskauptöxtum SA/RSÍ. 

Jón Sigurðsson, iðnaðar- og viðskiptaráðherra, opnaði á föstudag nýja heimasíðu Neytendastofu. Um leið opnaði Neytendastofa rafræna þjónustugátt fyrir neytendur, fagaðila og allan almenning sem hafa samskipti við stofnunina.

Póst- og fjarskiptastofnun hefur sett reglur um innanhússfjarskipta-lagnir sem birtar voru í Stjórnartíðindum 29. desember sl. Reglurnar taka til frágangs á innanhússlögnum fyrir fjarskipti, þ.m.t. húskassa, í íbúðar- og atvinnuhúsnæði og heimilda til aðgangs að lögnunum.

Vodafone mun framvegis veita þjónustu fyrirtækisins við heimili yfir ljósleiðaranet Gagnaveitu Reykjavíkur. Vodafone er stærsti einstaki aðilinn sem samið hefur verið við um aðgang að ljósleiðaranetinu.