Fréttir

Stjórn, framkvæmdastjórn og starfsfólk SART óskar félagsmönnum, samstarfsfólki og velunnurum gleðilegra jóla og farsældar á nýju ári.

Í haust hafa aðildarfélög SART haldið aðalfundi sína og voru fundir landsbyggðarfélaganna flestir haldnir í tengslum við fundi SART, Samorku og NS. Á öllum fundunum, sem voru vel sóttir voru samþykktar umtalsverðar breytingar á lögum félaganna. Fá Orkuveitan og Johan Rönning sérstakar þakkir fyrir aðkomu þeirra að fundunum.

Á fundunum sem haldnir voru á dögunum urðu oft mjög líflegar og beinskeittar umræður um málefni rafverktaka, enda var tilgangur fundanna að efna til skoðanaskipta um hin ýmsu mál. Þá hafa menn í kjölfarið haft samband við skrifstofuna og komið meiningum sínum á framfæri. Valur Benediktsson hjá Rafval á Akureyri sendi eftirfarandi tölvupóst……

Að þessu sinni tekur starfsfólk SART sér vetrarfrí milli jóla og nýárs, því verður skrifstofan lokuð dagana 27. 28. og 29 desember. Sjáumst hress á nýju ári.

Nú er fundaröð SART, Samorku og Neytendastofu lokið að þessu sinni. Á fundunum var af hálfu Samorku kynning á TTR-skilmálunum, Neytendastofa kynnti nýja staðalinn ÍST- 200 ásamt niðurstöðum úr úttektum og skoðunum á neysluveitum og  SART fór yfir ýmiss hagsmunamál rafverktaka s.s. rafræn samskipti og fl. Alls sóttu fundina 148 rafverktakar og 36 starfsmenn dreifiveitna á svæðunum.

Öllum eru ljósar þær gífurlegu framfarir sem orðið hafa í fjarskiptatækni á síðustu árum, jafnt á sviði fjölmiðlunar og annarra samskipta. Mjög hefur skort upplýsingarit, þar sem teknar eru saman á einn stað allar helstu upplýsingar um þessi efni. Fjarskiptahandbókin 2 er uppflettirit sem hentar jafnt fagmönnum, áhugamönnum um fjarskiptatækni og almenningi

Starfsmenn sem hafa verið í fullu starfi allt árið hjá sama fyrirtæki og eru við störf í fyrirtækinu síðustu viku í nóvember eða í fyrstu viku desember skulu eigi síðar en 15. desember fá greidda sérstaka eingreiðslu, desemberuppbót.

Jólin eru hátíð ljóssins og þá er kveikt á fleiri ljósum og þau látin loga lengur en aðra daga ársins. Hluti af undirbúningi jólanna á að vera að tryggja að þau ljós og tæki sem á að nota séu í góðu lagi. Óvandaður, skemmdur og rangt notaður ljósa- og rafbúnaður getur valdið bruna og slysum. Stundum kviknar í vegna bilunar en algengara er að gáleysi okkar sjálfra í umgengni við rafmagnið sé orsökin.

SART, Samorka og Neytendastofa efna til funda með rafverktökum. Málefni fundana er m.a. ÍST 200-2006 nýr staðall um raflagnir bygginga, TTR-Tæknilegir tengiskilmálar raforkudreyfingar og samskipti rafverktaka, Neytendastofu og orkufyrirtækja.

Fyrirtækið Rafstraumur ehf, Klukkubergi 41 í Hafnarfirði er fyrirtæki sem hjá fyrirtækjaskrá er skilgreint skv. ISAT í flokki 45.31.0 Raf- og boðlagnir; starfsemi rafverktaka. Samkvæmt iðnaðarlögum skal löggilt iðngrein rekin undir handleiðslu iðnmeistara og skv. lögum nr. 146/1996 um öryggi raforkuvirkja neysluveitna og raffanga og reglugerð um raforkuvirki er engum öðrum en löggiltum rafverktökum heimilt að stunda rafverktöku. Hvorugt þessara ákvæða virðist vera virt í þessu tilfelli.

Tveir rafvirkjanemar geta bætt við sig verkefnum, allt mögulegt kemur til greina. Uppl. í síma: xxx xxxx, Nonni. Svona smáauglýsing birtist í Fréttablaðinu á dögunum undir "rafvirkjun".

Síðastliðin ár hefur Neytendastofa látið skoða raflagnir á fimmta hundrað verkstæða víðsvegar um landið, bílaverkstæða, véla- og járnsmíðaverkstæða, trésmíðaverkstæða og rafmagnsverkstæða. Markmiðið með skoðununum var að fá sem gleggsta mynd af ástandi raflagna og rafbúnaðar á verkstæðum og koma ábendingum á framfæri við eigendur og umráðamenn þeirra um það sem betur má fara.  

Út á markaðnum er nú hart sótt að löggildingunni. Rafvirkjasveinar, nemar og jafnvel ófaglærðir eru í auknu mæli farnir að taka að sér verkefni og treysta á að þeir fái einhvern af okkur til þess að skrifa uppá verkin, bæði hjá byggingarfulltrúum, Neytendastofu og orkufyrirtækjum.

Borið hefur á tilboðum og óumbeðnum reikningum til fyrirtækja frá aðilum sem freista þess að viðkomandi taki tilboðunum og greiði reikningana að óathuguðu máli. Til þess að koma í veg fyrir óþægindi og vandamál í tengslum við svona óskemmtilegar sendingar gefa SVÞ góð ráð á heimasíðu sinni.

Aðalfundur FLR verður haldinn föstudaginn 29. september nk. kl. 16:30, í ráðstefnusal Orkuveitu Reykjavíkur. Að loknum aðalfundarstörfum mun Þorvaldur Finnbogason deildarstjóri fjalla um samvinnu og samskipti OR við rafverktaka og Guðjón Magnússon framkvæmdastjóri mun kynna Orkuveituna og helstu framkvæmdir á hennar vegum. Veitingar verða í boði Orkuveitunnar.

Þegar þetta er skrifað hefur starfsmaður ákvæðisvinnustofu haldið fjórtán fundi með rafverktökum og starfsmönnum þeirra. Á þessum fundum sem standa yfir í ca.2-2,5 klst. er farið yfir ákvæðisvinnugrundvöllinn sem er vistaður á netinu og menn gera verkefni sem gefur góða innsýn í hvernig forritið er byggt upp.

Samtök atvinnulífsins, Samtök iðnaðarins, Samtök verslunar- og þjónustu, Samtök atvinnurekenda í raf- og tölvuiðnaði og Samorka hafa skilað sameiginlegri umsögn um frumvarp til skipulagslaga og frumvarp um mannvirki.

TTR- Tæknilegir Tengiskilmálar Raforkudreifingar hafa verið endurskoðaðir og birtir í stjórnartíðindum. Bókin er til afgreiðslu á skrifstofu Samorku. Þeir eru jafnframt aðgengilegir á netinu.
Smellið hér

Undirbúningur að ORKUÞINGI 2006 er nú í fullum gangi. Þingið verður haldið dagana12. og 13. október n.k. og fer fram á Grand Hótel Reykjavík.

Mamma er nýtt fyrirtæki sem sér um sölu og uppsetningu á síma, interneti, heimavörn og sjónvarpi fyrir heimilin í landinu. Mamma segist ekki selja símtæki, tölvur eða sjónvörp, heldur áskrift. Mamma fullyrðir að starfsmenn hennar fari ekki inn á svið löggiltra iðngreina.

Póst- og fjarskiptastofnun hefur gert drög að reglum um frágang húskassa og innanhússfjarskiptalagna í þeim tilgangi að tryggja vernd fjarskipta og skilgreina aðgangsheimild fjarskiptafyrirtækja.

Nefnd umhverfisráðuneytisins sem falið var að endurskoða byggingarlög hefur skilað af sér drögum að frumvarpi til laga um mannvirki, en gert að ráð fyrir að byggingarlög og skipulagslög verði aðskilin. Gert er ráð fyrir nýrri stofnun, Byggingarstofnun og í frumvarpinu er lagt til að eftirlit með lögum um öryggi raforkuvirkja, neysluveitna og raffanga færist frá Neytendastofu til Byggingarstofnunar. 

Orkuveitan hefur um skeið þróað nýja aðferðarfræði við lögn allra heimlagna inn í hús, þar sem megin málið er að heimlagnir allra veitna eru dregnar um ídráttarrör frá lóðarmörkum og inn í hús. Jafnframt hefur Orkuveitan lagt til inntakskassa bæði fyrir vatn og rafmagn. Nú stefnir Orkuveitan að því að ganga alla leið með þessa innleiðingu og hleypa á heitu og köldu vatni ásamt því að spennusetja inntakskassann fyrir rafmagn um leið og heimlagnir hafa verið lagðar og tengdar.

Við skoðun á þróun byggingarvísitölu frá desember 2003 til maí 2006 kemur í ljós að ósamræmi er töluvert milli iðngreina. Ef bornar eru saman vísitölur fyrir múrverk, pípulögn, málun og raflögn kemur í ljós að vísitala raflagna hækkar minnst. 

Þann 22. júní sl. undirritaði nefnd ASÍ og SA, sem fjallar um forsendur kjarasamninga samkomulag um lágmarkshækkun launa, "launa-þróunartryggingu". Í kjölfarið voru undirritaðir kjarasamningar milli SA og ASÍ og landssambanda ASÍ um sérstaka 15.000.- kr. hækkun kauptaxta kjarasamninga, "taxtaviðauka". Samningarnir kveða ekki á um almenna hækkun launa. Þeim er einungis ætlað að bæta stöðu þeirra sem ekki hafa notið launaskriðs á vinnumarkaði eða hafa litlar eða engar yfirborganir umfram lágmarkstaxta kjarasamninga. Aðrir eiga ekki rétt á hækkun launa.

Um mánaðarmótin apríl/maí sl. varð sú breyting á verðskrá RARIK fyrir tengigjöld að með heimtaugum fyrir sumarhús og á aðra notkunarstaði, þar sem föst búseta er ekki, verður það á hendi rafverktaka, í umboði húseiganda/umsækjanda að leggja til mælakassann sem settur hefur verið utanhúss og RARIK lagt til hingað til.

Starfsmaður sem hefur áunnið sér fullan orlofsrétt, með starfi hjá sama atvinnurekanda næstliðið orlofsár og er í starfi í síðustu viku apríl eða í fyrstu viku maí, skal við upphaf orlofstöku eða eigi síðar en 15.ágúst fá greidda orlofsuppbót kr. 22.400 miðað við fullt starf en hlutfallslega miðað við starfshlutfall og starfstíma.  Orlofsuppbót nema er kr. 16.800.  Fullt starf telst vera 45 unnar vikur eða meira fyrir utan orlof.

Á síðasta ári fékk Neytendastofa rökstuddar ábendingar um að ástand raflagna á tjaldstæðum og öðrum stöðum þar sem möguleiki er að tengja hjólhýsi og húsbíla við rafmagn kynni að vera ábótavant. Af þeim sökum ákvað stofnunin að kanna raflagnir og rafbúnað sem settur hefur verið upp á tjaldstæðum.

Komin er út ársskýrsla markaðseftirlits raffanga fyrir árið 2005. Þar kemur m.a. fram að farið var í 287 heimsóknir til söluaðila raffanga á síðasta ári og voru "skimuð" 6924 rafföng í þessum heimsóknum.

Á síðasta ári lét Neytendastofa, í samráði við Samorku, SART og Rafiðnaðarsamband Íslands, rannsóknarfyrirtækið IMG Gallup kanna tíðni rafmagnsslysa og óhappa hjá fagmönnum á rafmagnssviði. Sambærilegar kannanir hafa verið gerðar meðal fagmanna á rafmagnssviði á hinum Norðurlöndunum.

Stafræn sjónvarpsmóttaka (Loftnetstækni 3) 
Dagsetning 9.- 11.mars
Stafræna tæknin tekin fyrir frá grunni, farið yfir stafrænu staðlana, útskýrður mismunur á stafrænum útsendingum um gervihnetti og frá jarðsendum (Digital Ísland og Íslandsmiðill) og á Breiðbandi.

Neytendastofa vill benda á að kominn er út nýr staðall á raflagnasviði ÍST 200 “Raflagnir bygginga” sem fagmenn á rafmagnssviði hafa lengi beðið eftir. Rétt er að árétta það að þó að búið sé að gefa staðalinn út hér á landi þá mun Neytendastofa ekki vísa til hans í reglugerð fyrr en í fyrsta lagi í haust. Reglugerð um raforkuvirki er því enn í fullu gildi og því hefur engin breyting orðið á reglum á rafmagnsöryggissviði.

Af gefnu tilefni vegna fréttar í Fréttablaðinu fimmtudaginn 09. febrúar s.l. vilja Rafmagnsveitur ríkisins (RARIK) vekja athygli á að samkvæmt ákvæðum í Tæknilegum tengiskilmálum raforkudreifingar, TTS, frá september 2001 er algjörlega óheimilt að tengja hús, sumarhús eða aðra notkun á annarri lóð eða landi frá áður tengdri heimtaug án skriflegs samþykkis rafveitunnar (grein 4.1.12).

Þann 1. júlí n.k. mun reglugerð 697/2004 um takmörkun tiltekinna efna í raftækjum taka gildi. Þar með verður óheimilt að framleiða, flytja inn eða selja raftæki sem innihalda nokkra hættulega þungmálma og eldtefjandi efni. Gildir það á öllu Evrópska efnahagssvæðinu en tilskipun þar að lútandi var samþykkt snemma árs 2003. 

Aðalfundur samtaka atvinnurekenda í raf- og tölvuiðnaði verður haldinn á Grand Hótel, Reykjavík  föstudaginn 10. mars 2006.

Neytendastofa hefur ákveðið að greiða niður verðið á fyrstu 1000 eintökum staðalsins. Það er gert til þess að stuðla að sem mestri notkun hans hjá fagmönnum á rafmagnssviði. Staðlinn mun því kosta 9.514 kr. m/vsk í stað 15.998 kr, allt þar til fyrstu 1000 eintökin verða seld.

Póst og fjarskiptastofnun hefur opnað nýjan upplýsingavef um tölvu- og netöryggismál. Samfara síaukinni netumferð hefur margskonar ónæði og misnotkun gagna aukist, s.s. tölvuveirur, amapóstur, njósnahugbúnaður og fleira. Nauðsynlegt er að stemma stigu við þessu með samstilltu átaki stjórnvalda, fyrirtækja og almennings.

Rafmagnsveitur ríkisins (RARIK), Orkubú Vestfjarða hf. (OV) og Landsvirkjun (LV) stofna sameiginlegt sölufyrirtæki á raforkumarkaði.

Framundan er uppbygging á stafrænu sjónvarpi um allt Norðurland.  Af því tilefni býður  Rafiðnaðarskólinn upp á tvö námskeið á Akureyri á þessari önn.

Fyrsti morgunverðarfundur FLR og SART á nýju ári verður haldinn í Borgartúni 35, 6. hæð, fimmtudaginn 12. janúar n.k. og hefst hann kl. 08:45.

Um áramót þegar launabreytingar verða er nauðsynlegt að endurskoða útseldu vinnuna og leiðrétta hana til samræmis við aukin kostnað.

Við hvetjum félagsmenn til að kynna sér þjónustuskránna á heimasíðunni og hafa samband við skrifstofu SART ef þeir vilja skrá fyrirtækið í einn eða fleiri þjónustuflokka.

Skatthlutfall í staðgreiðslu verður 36,72% frá 1. janúar 2006, persónuafsláttur hækkar um 2,5% og verður kr. 29.029 á mánuði. Heimilt er að færa 100% persónuafslátt milli maka á árinu 2006. Tryggingagjald hækkar um 0,06% um áramót vegna hækkunar framlags í Ábyrgðasjóð launa, og verður þá 5,79%.

Samkvæmt almennum kjarasamningum hækka laun um 2,5% frá og með 1. janúar 2006. Sú hækkun gildir fyrir kjarasamning SART og RSÍ með þeirri undantekningu að ákvæðisvinnueiningin hækkar um 3,5% skv. sérstöku samkomulagi þar um.