Fréttir

Rafmagnsöryggisdeild Löggildingarstofu annast opinbera markaðsgæslu raffanga. Hún fylgist með rafföngum á markaði og aflar á skipulegan hátt upplýsinga um þau og tekur við ábendingum frá neytendum og öðrum aðilum.

Rafmagnsöryggisdeild Löggildingarstofu hefur borist tilkynning um straujárn, með gerðarmerkingunni „PERLA", sem valdið hefur a.m.k. þremur dauðsföllum í Grikklandi.

Búið er að staðfesta staðalinn ÍST 170 Háspennuvirki fyrir riðspennu yfir 1KV. Staðallinn er þýðing á evrópsku samræmingarskjölunum HD 637, með þremur íslenskum sérákvæðum. Staðallinn inniheldur ákvæði um hönnun og setningu raforkuvirkja með riðspennu yfir 1 KV. Löggildingarstofa lét á sínum tíma þýða fyrrgreind samræmingarskjöl á íslensku.

Manni verður nú bara orðavant við lestur greinarinnar “Skipt um dós” í DV í dag, föstudaginn 3. júní. Þar er frjálslega farið með og lítið útskýrt. Maður fær það á tilfinninguna að tilgangurinn sé að láta fólk fara sér að voða. Rafmagn er nú einu sinni þess eðlis að gálgahúmor og/eða vankunnátta sem sem þessi grein ber með sér, er vægast sagt hættuleg.