Fréttir

Í samkomulagi forsendunefndar ASÍ og SA frá 15. nóvember sl. er kveðið á um sérstaka eingreiðslu til handa launamönnum, kr. 26.000 m.v. fullt starf allt árið og greiðist hún eigi síðar en 15. desember nk.

Í  tilefni af 35 ára afmæli RSÍ hefur sambandið látið gera gagnvirkan tölvudisk um störf og nám í rafiðnaði. Diskurinn verður sendur í alla grunn- og framhaldsskóla.

Alcoa Fjarðarál hefur hafið undirbúning að þjónustukaupum, en rekstur álversins verður bæði fjölbreyttur og umsvifamikill. Alcoa hyggst einbeita sér að kjarnastarfsemi álversins en bjóða út viðhald og þjónustu á nær öllum sviðum.

365 ljósvakamiðlar hafa hafið stafræna útsendingu á UHF á Akureyri. Þetta er þriðji áfangi Digital Ísland verkefnisins og er það unnið í samstarfi við SART og Rafiðnaðarskólann eins og hin fyrri.

Orkuveita Reykjavíkur hefur nú stigið næsta skref í netvæðingu þjónustusvæðis síns og hafin er upp­bygging á því sem kallað er opið net fyrir alla. Þetta er málefni morgunverðarfundar FLR og SART sem haldinn verður fimmtudaginn 10. nóvember, kl. 08:45-10:00, í Borgartúni 35, 6. hæð.