Fréttir

Ársfundur Norrænu eftirmenntunarsamtakanna NEUK, var haldinn í Noregi dagana 10. til 12. september síðastliðinn. Á fundinum var m.a. fjallað um rafmagnsöryggismál og ástand þeirra í hverju landi, fram kom að verið er að leggja niður reglugerðir og taka upp alþjóða staðla í þeirra stað.  Í Noregi hefur komið fram að mikið er um rangan eða ófullnæjandi frágang á raflögnum við loka skoðun og hafa samtök rafverktaka og rafvirkja látið gera viðamikla könnun á orsökum þessa, meðal félagsmanna sinna. Í þessari könnun kemur í ljós að helstu orsakir eru fúsk, ófullnæjandi eigin úttekt, þekkingarleysi og stress sem oftast stafar af of þröngum tíma- eða fjámagns-ramma. 

Ari Edwald, framkvæmdastjóri SA, segir í samtali við Morgunblaðið að full samstaða sé um það á íslenskum vinnumarkaði að það eigi ekki að líða nein undanbrögð frá því að kjarasamningar séu virtir.

Ákvæðisvinnustofa rafiðna og Origo ehf., dótturfyrirtæki TölvuMynda hf. undirrituðu nýlega verksamning um þróun á nýju upplýsingakerfi fyrir skráningu ákvæðisvinnu rafvirkja. Gengið var til samninga við Origo ehf. að loknu útboði á verkefninu en ellefu tilboð bárust í úrvinnslu kerfisins og sá Rafteikning hf. um útboðið.

Annar kynningarfundur vetrarins verður haldinn í Rafiðnaðarskólanum, miðvikudaginn 22.október næstkomandi. Guðmundur Ólafsson forstöðumaður tæknideildar Póst- og fjarskiptastofnunar heldur fyrirlestur um hlutverk Póst- og fjarskiptastofnunar.

Aðalfundur Fræðsluskrifstofu rafiðnaðarins var haldinn þriðjudaginn 7. október s.l.

Árleg haustferð FLR var farin  laugardaginn 4. október sl. Í þetta sinn var farið inn í Hruneyjar og Vatnsfell með viðkomu á Eyrabakka í bakaleiðinni.