Fréttir

Námskeið fyrir framleiðendur og innflytjendur véla í janúar 2003
Markmiðið er að þátttakendur verði færir um að greina hvort vörur falli undir vélatilskipun ESB og læri hvernig á að CE-merkja slíkar vörur.

Í fjárlagafrumvarpi næsta árs er gert ráð fyrir 30 milljóna króna framlagi til ASÍ. Sú mismunun á opinberum fram-lögum sem hér er á ferðinni er alvarlegt brot á þeirri grundvallarreglu að jafnræði eigi að ríkja milli aðila vinnumarkaðarins, segir Ari Edwald, framkvæmdastjóri SA, í leiðara fréttabréfsins Af vettvangi.

Stjórn félags löggiltra rafverktaka boðar til morgunverðarfundar fimmtudaginn 12. desember n.k. kl. 9:00 árdegis á 6. hæð í Borgartúni 35. Boðið verður upp á jóla-kaffi, piparkökur og ýmislegt annað góðgæti. Auk þess verður á dagskrá athyglisverður fyrirlestur af léttara taginu.

Ertu ein/einn af þeim sem hefur notað tölvu í einhvern tíma og bjargar þér í ritvinnslunni en vildir gjarnan bæta aðeins við þekkinguna? Hér er námskeið sem hentar. Það er stutt, hnitmiðað og markmiðið er að “fylla í götin” og “styrkja undirstöðuna”.

RARIK hefur fetað í fótspor Löggildingarstofu og tekið upp rafræna þjónustu fyrir viðskiptavini sína. Framtak þetta hefur mikla hagræðingu í för með sér ekki síst fyrir löggilta rafverktaka sem starfa sinna vegna eru í miklum samskiptum við fyrirtækið. Störf þeirra eru þess eðlis að í mörgum tilfellum eru þeir tengiliður milli seljenda raforku og orkukaupenda.

Rafstaðlaráð lauk nýlega við gerð staðalsins ÍST 150:2002 Raf- og boðlagnir fyrir íbúðarhúsnæði: Gerð, staðsetning og fjöldi tengistaða, sem gefinn var út og staðfestur af Staðlaráði 1. október. Staðallinn tiltekur lágmarksfjölda og staðsetninu tengla fyrir raf- og boðskiptalagnir í íbúðarhúsnæði. Staðallinn segir einnig til um lagnaleiðir og lágmarksstærðir tengikassa og röra fyrir lagnakerfi.

Skýrsla Löggildingarstofu um slys og bruna

af völdum rafmagns árið 2001 komin út:

Árlegt eignatjón vegna rafmagnsbruna metið 850 milljónir króna

Almenn launahækkun verkafólks 1. janúar 2003 er 3,15% en iðnaðarmanna og verslunarmanna 3,4%. Trygginga-gjald atvinnurekenda hækkar um 0,5% þann 1. janúar 2003 eða úr 5,23% í 5,73%.

Félag rafverktaka á Vestfjörðum hélt aðalfund sinn á Ísafirði þann 1. nóvember s.l. Að loknum aðalfundarstörfum kynnti Örlygur Jónatansson Íslensku fjarskiptahandbókina og Snæbjörn Kristjánsson flutti fundinum fróðleik frá Löggildingarstofu auk þess sem Ásbjörn Jóhannesson framkvæmdastjóri SART kynnti nýja heimasíðu samtakanna.

Regluleg laun á almennum vinnumarkaði hækkuðu að meðaltali um 5,6% frá öðrum ársfjórðungi í fyrra til annars ársfjórðungs í ár. Launavísitalan hækkaði á sama tíma um 5,5% og samkvæmt því jókst kaupmáttur launa að meðaltali um 0,1%.

Sjá nánar á vef Kjararannsóknarnefndar

Markmiðið með nýjum vef SART er að auka þjónustu við félagsmenn og almenning. Innranetið er aðeins fyrir félagsmenn og geta þeir sem höfðu aðgang að gamla vefnum notað sömu aðgangs og lykilorðin. Aðrir eru vinsamlegast beðnir um að hafa samband við skrifstofu SART

Á sama hátt og tuttugasta öldin er oft kölluð tölvuöld er ekki ólíklegt að nýhafin öld fái nafngiftina fjarskiptaöld. Svo segir Örlygur Jónatansson í formála bókar sinnar.