Fréttir

Nýsköpunarmiðstöð Íslands býður húseigendum og iðnaðarmönnum á opið námskeið um viðhald og verðmæti fasteigna sem haldið verður á nokkrum stöðum um landið í vetur. Viðhald og verðmæti er samstarfsverkefni Nýsköpunarmiðstöðvar og Íbúðalánasjóðs við sérfræðinga frá verkfræðistofum, Orkusetrinu, Rafiðnaðarskólanum, Húsi og heilsu, Iðunni - fræðslusetri og heimamenn í hverjum landshluta fyrir sig.

Þann 15. ágúst sl. tók gildi samkomulag SA og ASÍ um vinnustaðaskírteini og eftirlit á vinnustöðum. Samkomulagið byggir á lögum nr. 42/2010 um sama efni  sem veita heildarsamtökum vinnumarkaðarins heimild til að semja um  hvaða starfsgreinar falli undir gildissvið laganna hverju sinni. Öllum atvinnurekendum í hlutaðeigandi greinum ber að sjá til þess að starfsmenn fái vinnustaðaskírteini þegar þeir hefja störf.

Í lok árs 2009 voru samþykkt lög á Alþingi um stuðning við nýsköpunarfyrirtæki (nr. 152/2009). Lögin kveða á um að fyrirtæki geti fengið skattfrádrátt vegna kostnaðar við rannsóknir og þróunarstarf og að fjárfestar fái skattafslátt vegna fjárfestingar í nýsköpunarfyrirtækjum. Opið er fyrir rafrænar umsóknir.

Allir vinna er hvatningarátak um atvinnuskapandi framkvæmdir til að vekja athygli á endurgreiðslu virðisaukaskatts og skattfrádrætti vegna framkvæmda við íbúðarhúsnæði og frístundahús þegar unnið er að viðhaldi eða endurbótum á húsnæðinu á byggingarstað. Það eru stjórnvöld í samvinnu við aðila vinnumarkaðarins sem standa að átakinu. Vakin er sérstök athygli á eftirfarandi:

Vegna sumarleyfa starfsfólks verður skrifstofa SART lokuð frá 19. júlí. Opnum aftur mánudaginn 9. ágúst.

Á vef Orkuveitu Reykjavíkur þar sem fyrirtækið kynnir vöruframboð sitt má finna eftirfarandi upplýsingar: "Orkuveitan hefur áratugareynslu af uppsetningu og viðhaldi útiljósa og því er tilvalið að bjóða þessa þjónustu á almennum markaði. Í raun er boðið upp á tvær leiðir, annars vegar hönnun og uppsetningu og hins vegar eftirlit og viðhald. Þessir kostir henta vel fyrirtækjum sem vilja snyrtilegt og vel upplýst umhverfi fyrir viðskiptavini sína og starfsmenn án nokkurs umstangs vegna eftirlits og viðhalds."

Sú breyting hefur orðið á framkvæmd afgreiðslu heimlagna hjá Orkuveitu Reykjavíkur, að fyrirtækið  leggur ekki lengur til inntaksskápa, heldur aðeins ídráttarrör frá lóðarmörkum að húsvegg. Á þetta við um einbýlis- og raðhús, minni fjölbýlishús og sambærilegt húsnæði allt að 3000 m3. Það er því aftur orðið hlutverk rafverktakans að leggja til og koma fyrir aðaltöflu.

Í framhaldi af auglýstu rammasamningsútboði Ríkiskaupa "Viðhaldsverk ríkisins á fasteignum á höfuðborgarsvæðinu - Þjónusta verktaka í iðnaði",  boða SART og SI til kynningar-fundar í samvinnu við Ríkiskaup um innihald útboðsins, fimmtudaginn 3. júní nk. kl. 08:30 í Borgartúni 35, 6. hæð.

Kjarasamningar á almennum vinnumarkaði halda gildi sínu til nóvemberloka 2010. Þá hækka lágmarkskauptaxtar kjarasamninga sérstaklega þann 1. júní 2010. Þeir sem hærri laun hafa eiga rétt á 2,5% hækkun launa.

Ríkiskaup standa fyrir útboði vegna þjónustu verktaka í viðhaldsþjónustu, endurnýjun og viðbótum á höfuðborgar-svæðinu. Heimilt er að bjóða í einstaka hluta viðkomandi iðngreinar í útboðinu. Um er að ræða verktaka í eftirtöldum iðngreinum: Blikksmiði, málara, málmiðnaðarmenn (aðra en blikksmiði), múrara, pípulagningamenn, rafiðnaðarmenn og trésmiði sem uppfylla allar lögboðnar kröfur til að starfa við iðn sína.